Kórneki sýret: gastronom.ru
Ózbekstanda tyiym salynǵan aryqtaýǵa arnalǵan kapsýlalar Qazaqstanda erkin satylyp jatyr, - dep habarlaidy Massaget.kz portaly.
Buǵan deiin Fatzorb kapsýlalary Ózbekstanda qaýipti dep tanylǵan bolatyn. Buqaralyq aqparat quraldary málimetinshe, onyń quramynda kúshti áser etetin sibýtramin bar.
Buǵan deiin bul biologiialyq belsendi qospanyń Qazaqstanda tirkelgeni belgili boldy. Alaida memlekettik tirkeý týraly kýáliktiń biryńǵai tiziliminiń derekterine sáikes, 2021 jylǵy maýsymnan bastap tirkeý kúshi joiylǵan. Alaida ol Qaznette erkin satylyp jatyr. Internetten bul kapsýlany izdegen kezde ol týraly ondaǵan habarlandyrý shyǵady.
satu.kz saitynyn alynǵan
Jarnamaǵa sáikes, Fatzorb kapsýlalary "salmaqtan arylýǵa jáne metabolizmdi jedeldetýge" arnalǵan.
Asfendiiarov atyndaǵy Qazaq ulttyq meditsina ýniversitetiniń Atshabarov atyndaǵy irgeli jáne qoldanbaly meditsina ǵylymi-zertteý institýtynyń direktory Timýr Salievtiń aitýynsha, janýarlar men adamdarǵa júrgizilgen synaqta kapsýlalar janama áserin kórsetken.
"Fatzorb quramynda qanyqtyq sezimin arttyratyn anoreksigen sanalatyn sibýtramin bar. Sibýtramin semizdikti emdeý úshin qoldanylady jáne artyq salmaǵy bar naýqastarǵa keshendi qoldaý terapiiasynda paidalanylady. Preparat tábetti jáne tutynylatyn taǵam mólsherin azaitady, deneniń jylý óndirisin arttyrady. Al janýarlarǵa júrgizilgen tájiribe sibýtraminniń erkek egeýquiryqtarda atalyq bezdiń qatersiz isiginiń, al qoiandarda fizikalyq damýdyń aýytqýlarynyń sebebi bolǵanyn kórsetti", - dedi Timýr Saliev.
Sarapshynyń aitýynsha, adamǵa júrgizilgen zertteý nátijeleri muny uzaq ýaqyt qoldanǵanda "gipertoniialyq naýqastarda, sondai-aq, infarkt pen insýlt alǵan adamdarda birqatar aýyr janama áser týdyrýy múmkin" ekenin kórsetken.
"Sondyqtan bul preparatqa álemniń kóptegen elinde tyiym salynǵan. Sondai-aq, sibýtramin Dúniejúzilik dopingke qarsy agenttiktiń tyiym salynǵan dáriler tizimine engizilgen", - dedi Saliev.
