Ózbekstan televideniesinde alǵash ret eldiń tuńǵysh prezidenti marqum Islam Karimovtyń júrgizgen saiasaty synǵa ilikti.
Ózbekstanda memlekettik aqparat quraly eldiń tuńǵysh prezidenti Islam Karimovtyń júrgizgen saiasatyn synǵa aldy dep habarlaidy Azattyqtyń Ózbek qyzmeti (Ozodlik radiosy). Habarda Karimovtyń tusyndaǵy "[aimaqta] lider ataný úshin únemi kórshilermen báseke jarystyryp, ústemdigin dáleldeýge" tyrysýdyń kesirinen shielenisken problemalardy qazirgi tańda prezident Shavkat Mirziiaevke sheshýge týraly kelgeni aityldy.
Atalǵan habar jaqynda ǵana, eldiń qazirgi prezident Shavkat Mirziiaevtiń týǵan kúni – 24 shildede jumysyn bastaǵan, táýlik boiy aqparattyq-saraptamalyq habar taratatyn "Ózbekstan 24" telearnasynyń "Taҳlilnoma" baǵdarlamasynyń alǵashqy sanynda kórsetilgen.
Shildeniń 30-y kúni efirden berilgen teleabaǵdarlamada Islam Karimovtyń aty-jóni atalmaǵanymen, onyń tusynda júrgizilgen saiasat "kesek astynda qaldy" dep habarlaidy Ozodlik.
Ózbekstandy shirek ǵasyr ýaqyt úzdiksiz basqarǵan tuńǵysh prezident Islam Karimovtyń tusynda jáne byltyr ol dúnieden ótkennen keiingi ýaqytta Karimov biligi kezinde júrgizilgen saiasat úkimet baqylaýyndaǵy aqparat quraldarynda eshqashan bulaisha ashyq synalmaǵan.
"Taҳlilnoma" baǵdarlamasynda qoǵamnyń barlyq salasy – ekonomikadan bastap áleýmettik, rýhani jáne aýyl sharýashylyǵy salalaryndaǵy jaǵdaiǵa taldaý jasalǵan. Habarda sóilegender Islam Karimovtyń biligi tusyndaǵy jiberilgen qatelikterdi synǵa alǵan. Olardyń aitýynsha, mysaly, buǵan deiin "syrtqy saiasatta jiberilgen kemshilikterdiń sheshimin tabýmen búgingi tańda jańa prezident Mirziiaev ainalysyp jatyr".
"Ózbekstan 24" telearnasy Karimov kezindegi saiasat týraly:
"Bilikke kelgen sátten bastap jaqyn kórshilermen qatynas – ústemdik úshin kúres emes, kerisinshe, ózara senim jáne adaldyq ekenin jariialaýy Ózbekstannyń ortalyqaziialyq respýblikalarmen qarym-qatynasyn jaqsartyp, senimniń nyǵaiýyna septigin tigizdi. Shyndyǵynda, qordalanǵan problemalar, ásirese jyldar boiy bytysyp kelgen shekara máseleleri bir-birine kinárat artyp, talap qoiý jáne óz ústemdigin kórsetýmen emes, jyly sóz jáne táýlik mezgiline qaramai atqarylǵan tynymsyz jumystyń arqasynda sheshimin tapty", - dedi habardy júrgizýshi.
Telearna baǵdarlamasynda Karimov basqarǵan jyldary Ózbekstan barlyq salalarda daǵdarysqa kezikkeni aityldy. Habarǵa qatysýshylardyń pikirinshe, jaǵdai segiz ai buryn bilikke kelgen jańa prezident "Shavkat Mirziiaevtiń júrgizgen reformalarynyń arqasynda jaqsara bastaǵan".
"Jetekshi ekonomikalyq uiymdardyń Ózbekstandy jazǵyryp, mamandarymyzdyń kásibiligine shek keltirgen barlyq aiyptaýlar tek sol qarjy saiasatynyń kesirinen. Búgin biz bul týraly ashyq aitýǵa tiispiz. Sonymen birge, shetel valiýtasynyń tórt túrli baǵamy jáne "qara bazar" tárizdi masqaranyń bolýy ekonomikany damytýǵa tusaý keltirgenin de batyldyqpen aitýǵa tiispiz. Alaida prezident bastaǵan reformalardyń arqasynda bul problemalardyń barlyǵy da birtindep sheshimin taýyp keledi", - degen júrgizýshi.
Ózbekstan qoǵamynda telebaǵdarlama túrlishe reaktsiia týǵyzdy dep jazady Ozodlik saity. Kei kórermen "jurtqa belgili jaitty jańalyq qylǵan" habardy ashý-yzamen qabyldasa, keibireýlerge marqum Islam Karimovtyń atyna syn aitylǵany unamai qalǵan.
"Karimovty únemi kórshileriniń aldynda keýdesin kerip, ústemdik tanytty dep aiyptaidy. Otbasymyzben telearna habarynan jiirkendik. Ekijúzdiler saiasaty degen osy" dep jazǵan bir kórermen Ozodlik saityna.
Osy telebaǵdarlama efirden kórsetilerden eki kúni buryn, shildeniń 28-i kúni Ózbekstan bas prokýratýrasy burynǵy prezident marqum Islam Karimovtyń úlken qyzy Gúlnara Karimova "aqsha jymqyrý" jáne "bopsalaý" baptary boiynsha aiypty dep tanylyp, 2015 jylǵy tamyzda sot úkimimen onyń bas bostandyǵy bes jylǵa shektelgeni týraly alǵash ret resmi jariialaǵan.
2003 jyldyń sońynan Ózbekstan úkimetin basqarǵan Shavkat Mirziiaev byltyr kúzde Islam Karimov qaitys bolǵannan keiin áýeli el prezidenti mindetin atqarýshy boldy, al jeltoqsannyń 4-i kúni ótken sailaýda, kópshilik kútkendei, 90 paiyzǵa jýyq daýys jinap ońai jeńiske jetken.
Sodan bergi ýaqyt ishinde jańa prezident qol qoiyp, bekitken sheshimge sáikes, Tashkenttegi eń uzyn kóshe men halyqaralyq áýejaiǵa, joǵary oqý orny men zaýytqa Islam Karimovtyń esimi berildi, onyń basyna kesene turǵyzylyp, Tashkent, Samarqan jáne Qarshy qalalarynda tuńǵysh prezidenttiń eskertkishteri ornatylmaq.
