Jazýshylar odaǵynyń bastamasymen jáne «Ijod» qoǵamdyq qorynyń qoldaýymen «Donishmand ziyosi» astanalyq baspasynda Namangan memlekettik ýniversitetiniń professory Qodirjon Nosirovtyń «Abaidyń danalyq sózi» atty kitaby basyp shyǵaryldy, dep habarlaidy ÓzA agenttigi.
Tanymal oishyl jáne uly aqyn Abai murasynyń mańyzynyń syry nede? Múmkin, onyń máńgúrttiktiń halyqqa qanshalyqty úlken ziian keltiretinin, ulttyq biregeilikten bas tartý adamzatty tyǵyryqqa ákelip tireitinin kóre jáne túsine alý qabiletinde shyǵar.
Ózbekstan Jazýshylar odaǵy álem halyqtarynyń ádebietin zertteý jáne nasihattaý, osy baǵyttaǵy yntymaqtastyqty keńeitý boiynsha aýqymdy jumystar júrgizýde.
Baýyrlas halyqtardyń ádebietin nasihattaý maqsatynda «Ádebiet dostyǵy – máńgilik dostyq» aidarymen shyqqan jańa kitap barshaǵa oi salady.
Biyl Abaidyń týǵanyna 175 jyl tolady. Aqyn shyǵarmasy tek qazaqtyń ǵana emes, búkil Orta Aziia halyqtarynyń aǵartýshylyq ómirinde erekshe oryn alady.
Abai shyǵarmashylyǵy týraly jańa kitap ádebietshiler arasynda úlken qyzyǵýshylyq týdyrady. Kitap avtory Qodirjon Nosirov buǵan deiin de maqalalar jazyp, Abaidyń ómiri men qyzmeti týraly oqý-ádistemelik quraldar jasady. Ádebietshilerdiń pikirinshe, jańa týyndyda avtor derekter negizinde qazaq ádebieti men mádenieti tarihyndaǵy Abaidyń rólin kórsetýge, sondai-aq uly oishyl murasynyń ideialyq-estetikalyq qundylyǵy máselelerine ózindik kózqarasyn bildirýge tyrysady.
Kitapta Abaidyń sóz ónerindegi jańashyldyǵy, qoǵam qairatkeri retinde jan-jaqty jetilgen, tolyq adam týraly arman-tilekteri kórsetilgen.
