جازۋشىلار وداعىنىڭ باستاماسىمەن جەنە «يجود» قوعامدىق قورىنىڭ قولداۋىمەن «Donishmand ziyosi» استانالىق باسپاسىندا نامانگان مەملەكەتتٸك ۋنيۆەرسيتەتٸنٸڭ پروفەسسورى قوديرجون نوسيروۆتىڭ «ابايدىڭ دانالىق سٶزٸ» اتتى كٸتابى باسىپ شىعارىلدى, دەپ حابارلايدى ٶزا اگەنتتٸگٸ.
تانىمال ويشىل جەنە ۇلى اقىن اباي مۇراسىنىڭ ماڭىزىنىڭ سىرى نەدە? مٷمكٸن, ونىڭ مەڭگٷرتتٸكتٸڭ حالىققا قانشالىقتى ٷلكەن زييان كەلتٸرەتٸنٸن, ۇلتتىق بٸرەگەيلٸكتەن باس تارتۋ ادامزاتتى تىعىرىققا ەكەلٸپ تٸرەيتٸنٸن كٶرە جەنە تٷسٸنە الۋ قابٸلەتٸندە شىعار.
ٶزبەكستان جازۋشىلار وداعى ەلەم حالىقتارىنىڭ ەدەبيەتٸن زەرتتەۋ جەنە ناسيحاتتاۋ, وسى باعىتتاعى ىنتىماقتاستىقتى كەڭەيتۋ بويىنشا اۋقىمدى جۇمىستار جٷرگٸزۋدە.
باۋىرلاس حالىقتاردىڭ ەدەبيەتٸن ناسيحاتتاۋ ماقساتىندا «ەدەبيەت دوستىعى – مەڭگٸلٸك دوستىق» ايدارىمەن شىققان جاڭا كٸتاپ بارشاعا وي سالادى.
بيىل ابايدىڭ تۋعانىنا 175 جىل تولادى. اقىن شىعارماسى تەك قازاقتىڭ عانا ەمەس, بٷكٸل ورتا ازييا حالىقتارىنىڭ اعارتۋشىلىق ٶمٸرٸندە ەرەكشە ورىن الادى.
اباي شىعارماشىلىعى تۋرالى جاڭا كٸتاپ ەدەبيەتشٸلەر اراسىندا ٷلكەن قىزىعۋشىلىق تۋدىرادى. كٸتاپ اۆتورى قوديرجون نوسيروۆ بۇعان دەيٸن دە ماقالالار جازىپ, ابايدىڭ ٶمٸرٸ مەن قىزمەتٸ تۋرالى وقۋ-ەدٸستەمەلٸك قۇرالدار جاسادى. ەدەبيەتشٸلەردٸڭ پٸكٸرٸنشە, جاڭا تۋىندىدا اۆتور دەرەكتەر نەگٸزٸندە قازاق ەدەبيەتٸ مەن مەدەنيەتٸ تاريحىنداعى ابايدىڭ رٶلٸن كٶرسەتۋگە, سونداي-اق ۇلى ويشىل مۇراسىنىڭ يدەيالىق-ەستەتيكالىق قۇندىلىعى مەسەلەلەرٸنە ٶزٸندٸك كٶزقاراسىن بٸلدٸرۋگە تىرىسادى.
كٸتاپتا ابايدىڭ سٶز ٶنەرٸندەگٸ جاڭاشىلدىعى, قوعام قايراتكەرٸ رەتٸندە جان-جاقتى جەتٸلگەن, تولىق ادام تۋرالى ارمان-تٸلەكتەرٸ كٶرسەتٸلگەن.
