Tashkent qalalyq sotynyń apelliatsiialyq satysy 2022 jyly álemdi dúr silkintken qylmystyq iske qatysty birinshi satydaǵy sottyń úkimin ózgerissiz qaldyrdy, dep habarlady RIA novosti.
Tashkent qalalyq soty "DOK-1 Maks" úndi preparatyn qabyldaǵannan keiin Ózbekstanda 68 balanyń qaitys bolýyna qatysty 23 adamdy 20 jylǵa deiin bas bostandyǵynan aiyrý jazasyna kesti. Atap aitqanda, farmatsevtika salasyn damytý agenttiginiń burynǵy basshysy Sardor Kariev 18 jylǵa, onyń eki orynbasary 16 jylǵa bas bostandyǵynan aiyryldy.
"Tashkent qalalyq qylmystyq sotynyń apelliatsiialyq satysy 3 shildedegi otyrysta Úndistannyń Marion Biotech kompaniiasynyń DOK-1 Maks siropy boiynsha birinshi satydaǵy úkimin ózgerissiz qaldyrdy", - dedi sot ókili.
Sottalýshylar 12 bap boiynsha kináli dep tanyldy, sonyń ishinde "qylmysqa qatysý", "qylmysqa daiyndyq jáne qylmysqa áreket jasaý", "bilikti nemese laýazymdyq ókilettikterdi teris paidalaný", "laýazymdyq nemqurailylyq", "para berý jáne alý".
Eske sala keteiik, 2022 jyly jeltoqsanda jedel respiratorlyq virýsty infektsiiaǵa qarsy úndi preparatyn qabyldaǵannan keiin Ózbekstanda 68 bala qaitys bolǵan. Oqiǵaǵa qatysy bar 23 sottalýshyǵa 20 jylǵa deiin bas bostandyǵynan aiyrý jazasy kesilgen.
Sol jyly jeltoqsannyń sońynda Ózbekstannyń densaýlyq saqtaý ministrligi zerthanalyq zertteýler barysynda úndi preparatynyń quramynda ýly zat-etilenglikol tabylǵanyn habarlady. Etilenglikol jáne di-etilenglikol farmatsevtikada mikroskopiialyq dozada qoldanylady. Olardy negizginen jarylǵysh zattardy, avtomobil qozǵaltqyshtaryna arnalǵan antifrizderdi, shyny jýýǵa arnalǵan suiyqtyqtardy jáne plastiktiń keibir túrlerin óndirýde qoldanady.
.jpg)