Ózbekstanda koronavirýs juqtyrǵandar sany 221-ge jetti, dep habarlaidy "Ult aqparat".
Ózbekstannyń memlekettik bas sanitar inspektory Nýrmat Atabekovtyń málimetinshe, Tashkenttegi Virýsologiia ǵylym-zertteý institýtynda 17 patsientten pnevmoniia baiqalǵan. Bul rette tórt patsienttiń jaǵdaiy aýyr, olardyń ekýiniki – turaqty aýyr. Búginde Ózbekstanda koronavirýs infektsiiasynan tolyǵymen 25 adam emdelip shyqqan, ekeýi kóz jumdy.
Nýrmat Atabekovtyń aitýynsha, kóptegen azamattar áli kúnge deiin jaǵdaidyń aýyr ekenin túsinbeidi, karantin erejelerin buzýda. Kei adamdar koronavirýstyń klinikalyq belgileri anyqtalǵan kezde dárigerlerge júginbei jatyr.
Sonymen qatar bas sanitar inspektor jaqynda ǵana aýyr halde aýrýhanaǵa jetkizilip, birden ókpeni jasandy jeldetý apparatyna qosylǵan naýqastyń jaǵdaiy týraly habarlady.
