Ózbekstan prezidenti Shavkat Mirziioev bir aptalyq merzimde COVID-19 virýsyna qarsy vaktsina satyp alý múmkindikterin qarastyrýdy tapsyrdy. Bul týraly Ózbekstan Respýblikasy prezidentiniń baspasóz qyzmeti habarlaidy.
Elde koronavirýs indetiniń taraýyna jol bermeý boiynsha selektorlyq otyrys barysynda Ózbekstan prezidenti birqatar elde koronavirýsqa qarsy dárini izdeý boiynsha qarqyndy zertteý jumystary júrgizilip, Resei, Qytai, Úndistan jáne Ulybritaniiada olardyń óndiriletini kútilip otyrǵanyn atap ótti.
Osyǵan balanysty, ÓR premer-ministriniń orynbasary Behzod Musaevqa bir aptalyq merzimde vaktsinalardy satyp alyp, jetekshi ǵalymdar, tájiribeli dárigerlermen keńesip, Ózbekstan turǵyndaryna ekpe jasaý múmkindikterin qarastyrý tapsyrylǵan.
Eske sala ketsek, búginde Ózbekstanda koronavirýsqa shaldyǵýdyń 26 804 oqiǵasy tirkelgen, 17 838 adam jazylyp shyqty.
Densaýlyq saqtaý ministrliginiń málimetinshe, COVID-19 diagnozy qoiylǵan 163 adam qaitys bolǵan.
