Qazaqstanda 1-synypqa qabyldaý úshin 325 myńnan astam ótinish túsken, dep habarlaidy BǴM baspasóz qyzmeti.
«Búgingi tańda birinshi synypqa qabyldaý úshin 325 myńnan astam ótinish tústi. Ata-analarǵa erteń qujat qabyldaýdyń sońǵy kúni ekendigine nazar aýdarýdy suraimyz. Qujattardy qabyldaý 1 sáýirde bastalyp, 1 tamyzǵa deiin jalǵasatynyn esterińizge sala keteiik» delingen bilim ministrliginiń habarlamasynda.
Bul merzim bolashaq oqýshylardyń ata-analary mektepti aldyn-ala anyqtap, qajet qujattardy ýaqtyly tapsyryp, balalardy oqý quraldarymen qamtamasyz etýi úshin berildi. Al mektep ákimshiligi synyptardy aldyn ala jinaqtaý, oqýlyqtardyń qajetti kólemin satyp alý, muǵalimder arasynda saǵattardy bólý jáne synyptar sanyna bailanysty pedagogter quramyn anyqtaý boiynsha jumystardy atqaratyn bolady. Osyǵan bailanysty ministrlik ótinishterdi ýaqytyly berýdiń mańyzdylyǵyn eske salady.
Ótinishterdi qabyldaý Egov.kz elektrondyq úkimet portaly arqyly elektrondyq formatta júrgiziledi. Mektepke qabyldaý úshin kelesi qujattardy usyný qajet: balanyń densaýlyq jaǵdaiy týraly qujattar (balanyń densaýlyq pasporty №026/ý-3, №063/ý nysany boiynsha meditsinalyq anyqtama); balanyń kólemi 3h4 sm tsifrlyq fotosýreti. Ótinish 1 jumys kúni ishinde qaralady.
«Qyzyl» aimaqqa engen óńirlerde turatyn ata-analar meditsinalyq anyqtamalardy oqý jylynyń bastalýyna deiin ala alady.
