قازاقستاندا 1-سىنىپقا قابىلداۋ ٷشٸن 325 مىڭنان استام ٶتٸنٸش تٷسكەن, دەپ حابارلايدى بعم باسپاسٶز قىزمەتٸ.
«بٷگٸنگٸ تاڭدا بٸرٸنشٸ سىنىپقا قابىلداۋ ٷشٸن 325 مىڭنان استام ٶتٸنٸش تٷستٸ. اتا-انالارعا ەرتەڭ قۇجات قابىلداۋدىڭ سوڭعى كٷنٸ ەكەندٸگٸنە نازار اۋدارۋدى سۇرايمىز. قۇجاتتاردى قابىلداۋ 1 سەۋٸردە باستالىپ, 1 تامىزعا دەيٸن جالعاساتىنىن ەستەرٸڭٸزگە سالا كەتەيٸك» دەلٸنگەن بٸلٸم مينيسترلٸگٸنٸڭ حابارلاماسىندا.
بۇل مەرزٸم بولاشاق وقۋشىلاردىڭ اتا-انالارى مەكتەپتٸ الدىن-الا انىقتاپ, قاجەت قۇجاتتاردى ۋاقتىلى تاپسىرىپ, بالالاردى وقۋ قۇرالدارىمەن قامتاماسىز ەتۋٸ ٷشٸن بەرٸلدٸ. ال مەكتەپ ەكٸمشٸلٸگٸ سىنىپتاردى الدىن الا جيناقتاۋ, وقۋلىقتاردىڭ قاجەتتٸ كٶلەمٸن ساتىپ الۋ, مۇعالٸمدەر اراسىندا ساعاتتاردى بٶلۋ جەنە سىنىپتار سانىنا بايلانىستى پەداگوگتەر قۇرامىن انىقتاۋ بويىنشا جۇمىستاردى اتقاراتىن بولادى. وسىعان بايلانىستى مينيسترلٸك ٶتٸنٸشتەردٸ ۋاقىتىلى بەرۋدٸڭ ماڭىزدىلىعىن ەسكە سالادى.
ٶتٸنٸشتەردٸ قابىلداۋ ەgov.kz ەلەكتروندىق ٷكٸمەت پورتالى ارقىلى ەلەكتروندىق فورماتتا جٷرگٸزٸلەدٸ. مەكتەپكە قابىلداۋ ٷشٸن كەلەسٸ قۇجاتتاردى ۇسىنۋ قاجەت: بالانىڭ دەنساۋلىق جاعدايى تۋرالى قۇجاتتار (بالانىڭ دەنساۋلىق پاسپورتى №026/ۋ-3, №063/ۋ نىسانى بويىنشا مەديتسينالىق انىقتاما); بالانىڭ كٶلەمٸ 3ح4 سم تسيفرلىق فوتوسۋرەتٸ. ٶتٸنٸش 1 جۇمىس كٷنٸ ٸشٸندە قارالادى.
«قىزىل» ايماققا ەنگەن ٶڭٸرلەردە تۇراتىن اتا-انالار مەديتسينالىق انىقتامالاردى وقۋ جىلىنىڭ باستالۋىنا دەيٸن الا الادى.
