Ózbekstan «Ortalyq Aziia» saýda-ekonomikalyq ortalyǵyna qatysty pozitsiiasyn ózgertip jiberdi. Bul týraly Úkimet otyrysynda QR Saýda jáne integratsiia ministri Baqyt Sultanov aitty, dep habarlaidy "Ult aqparat".
«Ortalyq Aziia» Halyqaralyq saýda-ekonomikalyq ortalyǵy jobasyn iske asyrý maqsatynda ózbek tarapymen onyń ornalasatyn jeri kelisildi. Búgingi tańda biz jer telimin bólip, investormen kelissózder júrgizýdemiz. Alaida, ózbek tarapynyń pozitsiiasy ózgerýine bailanysty jobany iske asyrý protsesi keshiktirilip jatyr», - dedi ol.
Ministr osyǵan orai Qazaqstan tarapy jobany iske asyrýdyń qosymsha nusqalaryn qarastyryp jatqanyn aitty.
«Jalpy, bul ortalyq Ózbekstanmen shekaralyq saýdany «aǵartý» jáne saýda infraqurylymyn qurý arqyly eki eldiń arasyndaǵy ózara saýda kólemin 10 mlrd AQSh dollaryna deiin ulǵaitýǵa yqpal etedi», - dedi Baqyt Sultanov.
Eske salaiyq, 26 qańtar kúni ótken Úkimettiń keńeitilgen otyrysynda Memleket basshysy Qasym-Jomart Toqaev «Ortalyq Aziia» halyqaralyq saýda ortalyǵyn tezirek salýdy tapsyrǵan bolatyn.
