Ózbekstan Slovakiianyń "Chirana" jáne reseilik kompaniialarmen birigip, mamyr aiynan bastap ókpeni jasandy jeldetý apparaty men narkozben tynys alý qurylǵylaryn shyǵara bastaidy. Bul týraly innovatsiialyq damý ministrligi habarlady.
Ministrliktiń aitýynsha, óndiristi ornalastyrýdyń alǵashqy kezeńinde sheteldik áriptester 3 mln dollar kóleminde investitsiia quiyp, 30 jumys ornyn ashady. Ekinshi kezeńde 5-6 mln dollar kóleminde qarjy quiyp, shamamen 100 jumys orny ashylady.
"Ókpeni jasandy jeldetý apparaty qazir álemniń 12 elinde shyǵarylady. Bizdiń apparattar bir saty emes, úsh saty boiynsha jeldetedi. Ózbekstanda mundai zaýyttyń bolýy memlekettiń meditsinalyq qaýipsizdigin qamtamasyz etedi" dedi CHIRANA+ kompaniiasynyń bas direktory Vasilii Shimko.
Ózbekstan ónimdi Tájikstan, Túrkimenstan, Qyrǵyzstan jáne Aýǵanstanǵa shyǵarýdy josparlap otyr.
Sońǵy derek boiynsha, Ózbekstanda 342 adamnan koronavirýs tabylǵan. 2 adam kóz jumǵan. 30 adam aiyqqan.
