Ózbekstan Maqtaaraldaǵy barlyq kollekordy tazalaýǵa kómektesedi. Bul týraly búgin Úkimet otyrysynda Túrkistan oblysynyń ákimi Ómirzaq Shókeev aitty, dep habarlaidy "Ult aqparat".
«Jalpy, Ózbekstan tarapynyń mamandarymen tyǵyz bailanystamyz. Jaǵdai turaqtanǵannan keiin olar ózderiniń tehnikasymen kirip, bizdiń búkil kollektorlardy tazalaýǵa kómektesetindigine kelisim alyp keldik. Biz tek shekaradan ótýge múmkindik berýimiz kerek», - dedi Ómirzaq Shókeev.
Onyń aitýynsha, Maqtaaral aýdanyndaǵy eldi mekenderge jerasty sýy jaqyn ornalasqan. sý uzaq ýaqyt jatyp qalýy múmkin.
«Sondyqtan atalǵan eldi mekenderdiń ainalasynan úlken aryqtar qazyp, sýdy sol aryqtarǵa sorǵytý úshin tehnika qajet bolady. Osyǵan orai Ekologiia ministrligimen birigip, respýblika óńirlerinen motopompalardy, sorǵylardy aldyrý kerek bolady»,- dedi ol.
