Ózbekstan Qytaiǵa gaz eksporttap jatyr, dep habarlady Eurasianet.org. Respýblika jyl basynda ishki suranysty óteý úshin gazdy syrtqa shyǵarýdy ýaqytsha toqtatqan.
Úkimet gazdy shetelge shyǵaratyny týraly habarlaǵan joq. Alaida Qytai málimetterinen Tashkenttiń Ortalyq Aziia-Qytai qubyrymen gaz eksporttap jatqanyn baiqaýǵa bolady. Túrkimenstannan bastalatyn bul qubyr Ózbekstan men Qazaqstan arqyly Qytaiǵa barady.
Qytaidyń bas keden basqarmasy málimetinshe, Ózbekstan Qytaiǵa biyl alǵashqy tórt aida 132,8 mln dollarǵa gaz eksporttady, dep habarlady reseilik Neftegaz.ru portaly. Degenmen naqty qansha gaz eksporttalǵany belgisiz.
Túrkimenstan qańtar-sáýir ailarynda Qytaiǵa 2,87 milliard dollarǵa gaz satqan. Qazaqstannyń Qytaiǵa eksporty $270,6 mln bolǵan.
Biyl Tashkent 3,3 milliard tekshemetr gaz eksporttaýdy josparlap otyr. 2019 jyly respýblika shetelge 12,2 milliard tekshemetr gaz satqan.
