ٶزبەكستان قىتايعا گاز ەكسپورتتاپ جاتىر, دەپ حابارلادى Eurasianet.org. رەسپۋبليكا جىل باسىندا ٸشكٸ سۇرانىستى ٶتەۋ ٷشٸن گازدى سىرتقا شىعارۋدى ۋاقىتشا توقتاتقان.
ٷكٸمەت گازدى شەتەلگە شىعاراتىنى تۋرالى حابارلاعان جوق. الايدا قىتاي مەلٸمەتتەرٸنەن تاشكەنتتٸڭ ورتالىق ازييا-قىتاي قۇبىرىمەن گاز ەكسپورتتاپ جاتقانىن بايقاۋعا بولادى. تٷركٸمەنستاننان باستالاتىن بۇل قۇبىر ٶزبەكستان مەن قازاقستان ارقىلى قىتايعا بارادى.
قىتايدىڭ باس كەدەن باسقارماسى مەلٸمەتٸنشە, ٶزبەكستان قىتايعا بيىل العاشقى تٶرت ايدا 132,8 ملن دوللارعا گاز ەكسپورتتادى, دەپ حابارلادى رەسەيلٸك Neftegaz.ru پورتالى. دەگەنمەن ناقتى قانشا گاز ەكسپورتتالعانى بەلگٸسٸز.
تٷركٸمەنستان قاڭتار-سەۋٸر ايلارىندا قىتايعا 2,87 ميلليارد دوللارعا گاز ساتقان. قازاقستاننىڭ قىتايعا ەكسپورتى $270,6 ملن بولعان.
بيىل تاشكەنت 3,3 ميلليارد تەكشەمەتر گاز ەكسپورتتاۋدى جوسپارلاپ وتىر. 2019 جىلى رەسپۋبليكا شەتەلگە 12,2 ميلليارد تەكشەمەتر گاز ساتقان.
