Ózbekstan prezidenti Shavkat Mirziiaev "Ózbekstan, Qazaqstan jáne Túrkimenstan arasyndaǵy úsh el memleket shekaralarynyń túiisý aýdany jaily kelisimdi ratifikatsiialaý týraly" zańǵa qol qoidy. Bul týraly Azattyqtyń Ózbek redaktsiiasy habarlady.
Zańdy biyl 5 qańtarda Ózbekstan parlamentiniń tómengi palatasy qabyldap, 29 naýryzda senat maquldaǵan.
Úsh jaqty qujatqa 2017 jyly 10 qyrkúiekte Samarqanda Ózbekstan, Qazaqstan jáne Túrkimenstan syrtqy ister ministrleri qol qoiǵan.
"Bul - tarihi qujat, sebebi ol úsh eldiń memleket shekarasynyń quqyqtyq jolmen rettelýine núkte qoiady" dep habarlaǵan Ózbekstan parlamenti senatynyń baspasóz qyzmeti.
Qujatta úsh eldiń memlekettik shekaralary túiisetin oryn anyqtalyp, tiisti anyqtama berilgen. Budan ózge, úsh el memlekettik shekarasynyń túiisetin orny birlese jasalǵan topografiialyq kartaǵa túsirilgen.
