Qazaqstannyń ońtústiginde elektr energiiasynyń óshýi Ózbekstannyń energiia júiesindegi aqaýlarǵa bailanysty boldy, dep habarlaidy "Ult aqparat".
«KEGOC» AQ málimetinshe, 5 qańtar shamamen saǵat 17:41-de Ortalyq Aziianyń Birikken energiia júiesi (BEJ) tarapynan (shamamen 800 MVt) qýattyń kúrt artýynan Qazaqstannyń Birtutas elektr energetika júiesiniń (BEJ) Soltústik-Ońtústik tranzitiniń qatarlas jumysynyń turaqtylyǵy buzylǵan.
Osyǵan bailanysty jabdyqtar zaqymdanbas úshin avtomatika iske qosylyp, Qazaqstannyń Soltústik-Ońtústik tranzitiniń 500 kV-tyq úsh áýe jelisi jáne 220 kV-tyq bir áýe jelisi ajyratyldy.
Saldarynan Qazaqstan BEJ-i men Ortalyq Aziia BEJ-niń Ońtústik aimaǵy jiiligi 48,31 Gts-ke deiin tómendep, oqshaýlanǵan jumysqa bólindi.
Jedel derekterge sáikes Almaty, Jambyl, Qyzylorda, Qaraǵandy jáne Túrkistan oblystary boiynsha shekteý kólemi 959 MVt qurady.
«KEGOC» AQ qyzmetkerleriniń jedel jumysynyń arqasynda 17:51-de Qaraǵandy oblysy boiynsha shekteýlerdi alyp tastaýǵa komanda berildi, 17:58-de Ońtústik aimaq Qazaqstan BEJ-men sinhrondalyp, Qazaqstan energiia júiesiniń tutastyǵy qalpyna keldi.
Saǵat 18.15-te barlyq shekteýlerdi alyp tastaýǵa komanda berildi.
Bul jaitqa ózbek energetikalyq júiesi sebep bolyp otyr, onda Talimardjan GRES-inde 450 MVt eki bý-gaz qondyrǵysy ajyratylǵan, sonymen qatar birqatar ózge de elektr stantsiialarynda generatsiia tómendegen.
