Qazaqstan kartobyna Ózbekstan men men Reseide suranys joǵary. QR Aýyl sharýashylyǵy birinshi vitse-ministri Aidarbek Saparov Úkimet otyrysyndai osyndai derek aitty, dep habarlaidy QazAqparat.
«Áleýmettik mańyzy bar taýarlar úshin shikizat óndirisine jeke toqtalǵym keledi. Ótken jyl kórsetkendei, aldyn ala josparlaý jáne qajetti daqyldardyń alqaptaryn ulǵaitý jumystary nátije beredi. Mysaly, 2020 jyly qaraqumyq alqaby 50 myń gektarǵa ulǵaitylyp, nátijesinde naryqta jarma tapshylyǵy baiqalmady. Qarqyndy joǵaltpai 100 myń ga qaraqumyq egisin kelesi jyly da saqtaý qajet», - degen vitse-ministr kartop daóylynyń kólemi jetkilikti mólsherde ulǵaimai jatqanyn atady.
«Kartoptyń ósimi bar bolǵany 5 myń gektardy quraidy. Bul 100-110 myń tonna kartop degen sóz. Bul rette tek Ózbekstan kelesi jyly bizden 300 myń tonna satyp alýǵa daiyn, sondai-aq Resei de bar. Uiymdastyrylǵan fermalarda kartop óndirisine basa nazar aýdarý kerek», - dedi vedomstvo ókili.
Vitse-ministrdiń aitýyna qaraǵanda, egis naýqanyn ótkizý úshin aýyl sharýashylyǵy qurylymdarynda 144,0 myń traktor, 4,7 myń birlik ónimdiligi joǵary egis keshenderi, 77 myń tuqym sepkish, 221 myń topyraq óńdeý quraldary bar.
«Bir mezgilde birneshe tehnologiialyq operatsiialardy oryndaityn zamanaýi egis keshenderiniń 4,7 myńnan astam birligi dándi daqyldardyń 70%-yn egýdi júzege asyrýǵa múmkindik beredi.
Atalǵan tehnikanyń daiyndyǵy qazirgi kúnge shamamen 92%-dy quraidy. Egis jumystaryn jappai júrgizýdi bastaýǵa daiyndyq 100% qamtamasyz etiledi», - dedi Aidarbek Saparov.
