Ózbekstan azamaty avtokóliginiń artqy dóńgeleginiń joǵarǵy jaǵynan 7 kúdikti túinek zat anyqtaldy. Saraptama qorytyndysy boiynsha kúdikti dúnie - «kannabis shaiyry» esirtki zaty bolyp shyqty, dep habarlaidy Ulttyq qaýipsizdik komitetiniń Shekara qyzmeti.
Túrkistan oblysyndaǵy «Jibek joly» keden beketinde tekserý barysynda 1983 jyly týǵan Ózbekstan azamaty ustaldy. Qazaqstannan Ózbekstan Respýblikasyna ótip jatqan avtokólikterdi tekserý kezinde qyzmettik itterdiń kómegimen Shevrolet «Kaptiva» markaly avtokóliginen kúdikti 7 paket tabylǵan.
«Kólik keden beketinde ornalasqan «RAPISCAN CO2» inspektsiialyq tekserý kesheni arqyly skanerden ótkizildi. Nátijesinde avtokóliktiń artqy dońǵalaǵynyń joǵary jaǵynan 7 dana kúdikti paket anyqtalǵan. Avtokóliktiń kúdikti zattar ornalasqan tusy «belgilenip», arnaiy turaqqa qoiyldy. Kúdikti paketten airyqsha iisi bar qońyr tústi zat anyqtaldy. Aiǵaqty zattar arnaiy saraptamaǵa jiberildi» delingen habarlamada.
Saraptama qorytyndysy boiynsha 3522,146 gramm «kannabis shaiyry» esirtki zaty anyqtalyp, sotqa deiingi tergeý amaldary bastaldy.
