ٶزبەكستان ازاماتى اۆتوكٶلٸگٸنٸڭ ارتقى دٶڭگەلەگٸنٸڭ جوعارعى جاعىنان 7 كٷدٸكتٸ تٷينەك زات انىقتالدى. ساراپتاما قورىتىندىسى بويىنشا كٷدٸكتٸ دٷنيە - «كاننابيس شايىرى» ەسٸرتكٸ زاتى بولىپ شىقتى, دەپ حابارلايدى ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸ.
تٷركٸستان وبلىسىنداعى «جٸبەك جولى» كەدەن بەكەتٸندە تەكسەرۋ بارىسىندا 1983 جىلى تۋعان ٶزبەكستان ازاماتى ۇستالدى. قازاقستاننان ٶزبەكستان رەسپۋبليكاسىنا ٶتٸپ جاتقان اۆتوكٶلٸكتەردٸ تەكسەرۋ كەزٸندە قىزمەتتٸك يتتەردٸڭ كٶمەگٸمەن شەۆرولەت «كاپتيۆا» ماركالى اۆتوكٶلٸگٸنەن كٷدٸكتٸ 7 پاكەت تابىلعان.
«كٶلٸك كەدەن بەكەتٸندە ورنالاسقان «RAPISCAN CO2» ينسپەكتسييالىق تەكسەرۋ كەشەنٸ ارقىلى سكانەردەن ٶتكٸزٸلدٸ. نەتيجەسٸندە اۆتوكٶلٸكتٸڭ ارتقى دوڭعالاعىنىڭ جوعارى جاعىنان 7 دانا كٷدٸكتٸ پاكەت انىقتالعان. اۆتوكٶلٸكتٸڭ كٷدٸكتٸ زاتتار ورنالاسقان تۇسى «بەلگٸلەنٸپ», ارنايى تۇراققا قويىلدى. كٷدٸكتٸ پاكەتتەن ايرىقشا يٸسٸ بار قوڭىر تٷستٸ زات انىقتالدى. ايعاقتى زاتتار ارنايى ساراپتاماعا جٸبەرٸلدٸ» دەلٸنگەن حابارلامادا.
ساراپتاما قورىتىندىسى بويىنشا 3522,146 گرامم «كاننابيس شايىرى» ەسٸرتكٸ زاتى انىقتالىپ, سوتقا دەيٸنگٸ تەرگەۋ امالدارى باستالدى.
