Ózbekstan azamattarynyń qujattaryn tartyp alǵan atyraýlyq politsei túrmege qamaldy. Sot sheshimimen ol 5 jyl bas bostandyǵynan aiyryldy, dep habarlaidy QazAqparat.
«Atyraý q. №2 sotynyń úkimimen Atyraý oblysy boiynsha Politsiia departamenti qylmystyq politsiia basqarmasynyń aǵa jedel ýákili politsiia kapitany R.Zulqashev sottaldy. Ol ómir boiy belgili bir laýazymdardy atqarý quqyǵynan jáne politsiia kapitany ataǵynan aiyryldy. Jazasyn 5 jyl boiy túrmede óteidi», - dedi QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov onlain baspasóz máslihatynda.
Ol Ózbekstan azamattarynyń pasporttaryn zańsyz tartyp alyp, olardy qaitarý úshin aqy talap etken. Osylaisha, ókilettigin asyra paidalanǵan.
