Ózbekstanda 12 jastan asqan balalarǵa COVID-qa qarsy Pfizer vaktsinasyn óz erkimen saldyrýǵa ruqsat berildi. Bul týraly Ózbekstannyń bas sanitar dárigeriniń qaýlysynda aityldy, dep jazady Azattyq.
Ózbekstan densaýlyq saqtaý ministrliginiń 28 qyrkúiekte habarlaýynsha, Pfizer vaktsinasyn klinikalyq synaqtan ótkizý kezinde vaktsinanyń 12-15 jastaǵy balalarǵa qaýipsiz jáne tiimdiligi joǵary ekeni anyqtalǵan.
Dúniejúzilik densaýlyq saqtaý uiymy 12 jastan asqan balalar men jasóspirimderge Pfizer vaktsinasyn salýǵa keńes bergen.
13 qyrkúiekte Ózbekstanǵa Pfizer / BioNTech vaktsinasynyń 1 200 000 dozasy jetizildi.
Aita keteiik, elde koronavirýsqa qarsy vaktsina salý naýqany 1 sáýirde bastalǵan. Halyqqa reseilik Spýtnik V jáne qytailyq ZF-UZ-VAC 2001, sonymen birge AstraZeneca, Moderna jáne Pfizer / BioNTech vaktsinalary salynyp jatyr.
Ózbekstanda osy kúnge deiin barlyǵy 19 969 345 doza egilgen. 4 283 645 adam vaktsinanyń tolyq eki dozasyn saldyrǵan.
