ٶزبەكستاندا 12 جاستان اسقان بالالارعا COVID-قا قارسى Pfizer ۆاكتسيناسىن ٶز ەركٸمەن سالدىرۋعا رۇقسات بەرٸلدٸ. بۇل تۋرالى ٶزبەكستاننىڭ باس سانيتار دەرٸگەرٸنٸڭ قاۋلىسىندا ايتىلدى, دەپ جازادى ازاتتىق.
ٶزبەكستان دەنساۋلىق ساقتاۋ مينيسترلٸگٸنٸڭ 28 قىركٷيەكتە حابارلاۋىنشا, Pfizer ۆاكتسيناسىن كلينيكالىق سىناقتان ٶتكٸزۋ كەزٸندە ۆاكتسينانىڭ 12-15 جاستاعى بالالارعا قاۋٸپسٸز جەنە تيٸمدٸلٸگٸ جوعارى ەكەنٸ انىقتالعان.
دٷنيەجٷزٸلٸك دەنساۋلىق ساقتاۋ ۇيىمى 12 جاستان اسقان بالالار مەن جاسٶسپٸرٸمدەرگە Pfizer ۆاكتسيناسىن سالۋعا كەڭەس بەرگەن.
13 قىركٷيەكتە ٶزبەكستانعا Pfizer / BioNTech ۆاكتسيناسىنىڭ 1 200 000 دوزاسى جەتٸزٸلدٸ.
ايتا كەتەيٸك, ەلدە كوروناۆيرۋسقا قارسى ۆاكتسينا سالۋ ناۋقانى 1 سەۋٸردە باستالعان. حالىققا رەسەيلٸك سپۋتنيك V جەنە قىتايلىق ZF-UZ-VAC 2001, سونىمەن بٸرگە AstraZeneca, Moderna جەنە Pfizer / BioNTech ۆاكتسينالارى سالىنىپ جاتىر.
ٶزبەكستاندا وسى كٷنگە دەيٸن بارلىعى 19 969 345 دوزا ەگٸلگەن. 4 283 645 ادام ۆاكتسينانىڭ تولىق ەكٸ دوزاسىن سالدىرعان.
