Foto: NevoMusicTj / YouTube
Samarqand oblysynyń Tailaq aýdanynda Zeboyi Jahon laqap atymen tanymal ánshi Zebiniso Nosirovany óltirip ketti. Qylmys jasady degen kúdikpen onyń jubaiy ustaldy. Qasaqana kisi óltirý týraly bap boiynsha qylmystyq is qozǵaldy. Bul týraly gazeta.uz-ge silteme jasap, Ult.kz habarlaidy.
Marqumnyń úiine balalaryn kórýge barǵan kúieýi urys-keris barysynda áielin óltirgen dep kúdiktelip otyr.
"Meniń ápkem mundai ólimge laiyq emes edi. Sol kúni men jumysta boldym, jedel járdem qyzmetinde jumys isteimin. Shamamen saǵat 4-te áielim qońyraý shalyp, ápkeme birdeńe bolǵanyn aitty. Anama qońyraý shaldym, ol: "shuǵyl kel, ony óltirip ketti", - dedi. Úsh uldyń anasy, jubaiyń bolǵan adamǵa qalai bulai jasaýǵa bolady?"- dedi marqumnyń aǵasy.
Ol qylmyskerge múmkindiginshe qatań jaza taǵaiyndaýdy surap otyr.
Bas prokýrordyń baspasóz hatshysy Haet Shamsýtdinovtyń málimdeýinshe, er adamǵa qatysty (1992) Ózbekstan Respýblikasy Qylmystyq Kodeksiniń 97-babynyń 1-bóligi boiynsha qylmystyq is qozǵalǵan (qasaqana kisi óltirý).
Kúdikti qamaýǵa alyndy.
Marqum (1991 jyly týǵan) úsh balanyń anasy bolǵan.
Zeboyi Jahon Ózbekstanǵa tanymal estrada ánshisi. Onyń ánderi tyńdarman súiispenshiligin ielenip, qoshemetke bólenip júrgen.
