ٶزبەك ەنشٸسٸن ٶلتٸرٸپ كەتتٸ – كٷدٸكتٸ كٷيەۋٸ

فوتو: NevoMusicTj / YouTube

سامارقاند وبلىسىنىڭ تايلاق اۋدانىندا Zeboyi Jahon لاقاپ اتىمەن تانىمال ەنشٸ زەبينيسو نوسيروۆانى ٶلتٸرٸپ كەتتٸ. قىلمىس جاسادى دەگەن كٷدٸكپەن ونىڭ جۇبايى ۇستالدى. قاساقانا كٸسٸ ٶلتٸرۋ تۋرالى باپ بويىنشا قىلمىستىق ٸس قوزعالدى. بۇل تۋرالى gazeta.uz-گە سٸلتەمە جاساپ, Ult.kz حابارلايدى.

مارقۇمنىڭ ٷيٸنە بالالارىن كٶرۋگە بارعان كٷيەۋٸ ۇرىس-كەرٸس بارىسىندا ەيەلٸن ٶلتٸرگەن دەپ كٷدٸكتەلٸپ وتىر.

"مەنٸڭ ەپكەم مۇنداي ٶلٸمگە لايىق ەمەس ەدٸ. سول كٷنٸ مەن جۇمىستا بولدىم, جەدەل جەردەم قىزمەتٸندە جۇمىس ٸستەيمٸن. شامامەن ساعات 4-تە ەيەلٸم قوڭىراۋ شالىپ, ەپكەمە بٸردەڭە بولعانىن ايتتى. اناما قوڭىراۋ شالدىم, ول: "شۇعىل كەل, ونى ٶلتٸرٸپ كەتتٸ", - دەدٸ. ٷش ۇلدىڭ اناسى, جۇبايىڭ بولعان ادامعا قالاي بۇلاي جاساۋعا بولادى?"- دەدٸ مارقۇمنىڭ اعاسى.

ول قىلمىسكەرگە مٷمكٸندٸگٸنشە قاتاڭ جازا تاعايىنداۋدى سۇراپ وتىر.

باس پروكۋروردىڭ باسپاسٶز حاتشىسى حاەت شامسۋتدينوۆتىڭ مەلٸمدەۋٸنشە, ەر ادامعا قاتىستى (1992) ٶزبەكستان رەسپۋبليكاسى قىلمىستىق كودەكسٸنٸڭ 97-بابىنىڭ 1-بٶلٸگٸ بويىنشا قىلمىستىق ٸس قوزعالعان (قاساقانا كٸسٸ ٶلتٸرۋ).

كٷدٸكتٸ قاماۋعا الىندى.

مارقۇم (1991 جىلى تۋعان) ٷش بالانىڭ اناسى بولعان. 

Zeboyi Jahon ٶزبەكستانعا تانىمال ەسترادا ەنشٸسٸ.  ونىڭ ەندەرٸ تىڭدارمان سٷيٸسپەنشٸلٸگٸن يەلەنٸپ, قوشەمەتكە بٶلەنٸپ جٷرگەن.