18-22 qarashasy aralyǵynda Nur-Sultan men Aqmola oblysynyń sakraldy jerlerin zertteý maqsatynda «Óz elińdi tany» – «Poznai svoiý straný» atty respýblikalyq jastar ekspeditsiiasy ótedi.
Qazaqstan Respýblikasy Aqparattyq jáne qoǵamdyq damý ministrligi «Rýhani jańǵyrý» baǵdarlamasyn iske asyrý aiasynda Qazaqstan halqynyń ortaq qundylyqtaryn shoǵyrlandyrýǵa baǵyttalǵan «Qazaqtaný» jobasyn iske asyrýda. «Qazaqtaný» jobasynyń basty maqsaty jastardy qazaq halqynyń qundylyqtary, ásirese tuńǵiyq tarihyn nasihattaýǵa, dáripteýge keńinen tartý.
Ekspeditsiia jumysyna Qazaqstan respýblikasynyń óńirlerindegi etnomádeni birlestikteriniń jastar qanatynyń músheleri, «Jańǵyrý joly» respýblikalyq jastar qozǵalysynyń músheleri (monoqalalar, aýdan ortalyqtary men aýyldardan kelgen jastarǵa basymdylyq berilýde) shaqyryldy.
«Óz elińdi tany» respýblikalyq jastar ekspeditsiiasyna elimizdiń barlyq aimaqtarynan 170 adam qatysady. Ekspeditsiia eki kezeńde ótedi. Ekspeditsiianyń birinshi kezeńi 2019 jyldyń 18-19 qarashasynda ótedi. Olarǵa elordanyń murajailarynda tulǵalarmen «Óz elińdi bil» motivatsiialyq kezdesýleri ótedi. Kezdesý barysynda viktorina jáne Qazaqstan tarihyn bilýge arnalǵan kvest oiyny uiymdastyrylady. Eki kúnniń ishinde ekskýrsiia barysynda elordanyń qasietti jerlerine barýmen qatar gidterdiń súiemeldeýimen qalanyń sakraldy jerlerine ekskýrsiia uiymdastyrylady.
Ekspeditsiianyń II kezeńi Aqmola oblysynda 2019 jyldyń 20-22 qarashasynda ótedi. Aqmola oblysynyń Býrabai kýrorttyq aimaǵyna yńǵaily avtobýstardyń kómegimen tasymaldanyp qatysýshylar Býrabai kentindegi lagerlerdiń birinde ornalasady.
«3 kún ishinde kieli jerlerge jáne týristik nysandarǵa saparlar uiymdastyrylady: Abylai han alqaby, Oqjetpes taýy, Qumai arheologiialyq-etnografiialyq kesheni «Bazok» tarihi-mádeni eskertkishi jáne basqa da nysandarynda arheologiialyq dárister ótedi. Onda ólketanýshylarmen, arheologtarmen jáne tarihshylarmen taqyryptyq kezdesýler ótedi. Kásibi tarihshylar ekspeditsiiaǵa qatysýshylardyń keshki demalysyn uiymdastyrýǵa qatysady», delingen habarlamada.
Is-shara sońynda ekspeditsiia týraly elektrondy fotoalbom daiyndalady.
