videodan alynǵan kadr
Májilis depýtaty Ermurat Bapi "Qazaqstan Ulttyq Olimpiada komitetiniń prezidenti qyzmetine Timýr Qulybaev kelgennen beri eldiń sporttyq jetistikteri quldyrai bastaǵanyn" málimdedi, - dep habarlaidy Sputnik Qazaqstan.
Depýtattyń aqparatynsha, Tokiodaǵy sońǵy jazǵy Olimpiada oiyndarynda sportshylar birde-bir "altyn" nemese "kúmis" alǵan joq, tek 8 qola medalmen qaitty. Al medaldyq esepte elimiz 83 orynǵa bir-aq tústi. Onyń pikirinshe, Parij Olimpiadasynda da ulttyq qurama osynyń kebin kiiýi múmkin.
"Timýr Qulybaev kelgeli Ulttyq Olimpiada komitetiniń basshylyǵyna kileń "Eski Qazaqstannyń" ókilderi iriktelip alyndy. Onyń ishinde, bir-birine ainymas quda-jekjattar men milliarder kúieýdiń oligarh-dostary órip júr. Sonymen qatar komitetke múshe bolyp sailanýǵa 70 jas shekteýi belgilengen. Qazirgi múshelerdiń ishinen bul tsenzden asyp ketkender de, kúni erteń tolaiyn dep otyrǵandar da bar. UOK basqarýshy organynyń osyndai shal-shaýqandar quramymen qandai jeńiske jetýge bolady?", - deidi Bapi premer-ministrge joldaǵan depýtattyq saýalynda.
Depýtattyń aqparatynsha, Qulybaev Qazaqstannyń eń iri 50 jeke biznesi qataryna kiretin kompaniialardyń aktivterin ielene otyryp, birqatar iri biznes jobalardy baqylaidy. Onyń ishinde "ALMEKS" holding toby, "Kaspii Munai" jáne "Retro Retail" munai kompaniialary bar.
"Mundai shamadan tys júktememen onyń olimpiadalyq sport túrlerin damytýǵa múldem ýaqyty joq deýge bolady! Onyń oiy eldiń munaiyn satyp, qaltasyn toltyrý. Sportty qaitsyn?!", - dep ashyndy májilismen.
Bapi Ulttyq Olimpiada komitetine túbegeili ózgerister qajet dep sanaidy.
Osyǵan bailanysty depýtat "Parij Olimpiadasy aldyndaǵy litsenziialyq sport týrnirlerine bai-baǵylandardyń ókilin emes, aýyldan shyqqan, kókireginde namysy bar patriot, kásibi sportshylardy aparý qajet" dep esepteidi.
Budan basqa ol sport salasyndaǵy jemqorlyq pen sybailastyq, tanys-tamyrlyqty túbimen joiyp, UOK basshylyq quramyna Jańa Qazaqstan ókilderin tartý kerek ekenin málimdedi.
