ۆيدەودان الىنعان كادر
مەجٸلٸس دەپۋتاتى ەرمۇرات باپي "قازاقستان ۇلتتىق وليمپيادا كوميتەتٸنٸڭ پرەزيدەنتٸ قىزمەتٸنە تيمۋر قۇلىباەۆ كەلگەننەن بەرٸ ەلدٸڭ سپورتتىق جەتٸستٸكتەرٸ قۇلدىراي باستاعانىن" مەلٸمدەدٸ, - دەپ حابارلايدى Sputnik قازاقستان.
دەپۋتاتتىڭ اقپاراتىنشا, توكيوداعى سوڭعى جازعى وليمپيادا ويىندارىندا سپورتشىلار بٸردە-بٸر "التىن" نەمەسە "كٷمٸس" العان جوق, تەك 8 قولا مەدالمەن قايتتى. ال مەدالدىق ەسەپتە ەلٸمٸز 83 ورىنعا بٸر-اق تٷستٸ. ونىڭ پٸكٸرٸنشە, پاريج وليمپياداسىندا دا ۇلتتىق قۇراما وسىنىڭ كەبٸن كييۋٸ مٷمكٸن.
"تيمۋر قۇلىباەۆ كەلگەلٸ ۇلتتىق وليمپيادا كوميتەتٸنٸڭ باسشىلىعىنا كٸلەڭ "ەسكٸ قازاقستاننىڭ" ٶكٸلدەرٸ ٸرٸكتەلٸپ الىندى. ونىڭ ٸشٸندە, بٸر-بٸرٸنە اينىماس قۇدا-جەكجاتتار مەن ميللياردەر كٷيەۋدٸڭ وليگارح-دوستارى ٶرٸپ جٷر. سونىمەن قاتار كوميتەتكە مٷشە بولىپ سايلانۋعا 70 جاس شەكتەۋٸ بەلگٸلەنگەن. قازٸرگٸ مٷشەلەردٸڭ ٸشٸنەن بۇل تسەنزدەن اسىپ كەتكەندەر دە, كٷنٸ ەرتەڭ تولايىن دەپ وتىرعاندار دا بار. ۇوك باسقارۋشى ورگانىنىڭ وسىنداي شال-شاۋقاندار قۇرامىمەن قانداي جەڭٸسكە جەتۋگە بولادى?", - دەيدٸ باپي پرەمەر-مينيسترگە جولداعان دەپۋتاتتىق ساۋالىندا.
دەپۋتاتتىڭ اقپاراتىنشا, قۇلىباەۆ قازاقستاننىڭ ەڭ ٸرٸ 50 جەكە بيزنەسٸ قاتارىنا كٸرەتٸن كومپانييالاردىڭ اكتيۆتەرٸن يەلەنە وتىرىپ, بٸرقاتار ٸرٸ بيزنەس جوبالاردى باقىلايدى. ونىڭ ٸشٸندە "المەكس" حولدينگ توبى, "كاسپيي مۇناي" جەنە "Retro Retail" مۇناي كومپانييالارى بار.
"مۇنداي شامادان تىس جٷكتەمەمەن ونىڭ وليمپيادالىق سپورت تٷرلەرٸن دامىتۋعا مٷلدەم ۋاقىتى جوق دەۋگە بولادى! ونىڭ ويى ەلدٸڭ مۇنايىن ساتىپ, قالتاسىن تولتىرۋ. سپورتتى قايتسىن?!", - دەپ اشىندى مەجٸلٸسمەن.
باپي ۇلتتىق وليمپيادا كوميتەتٸنە تٷبەگەيلٸ ٶزگەرٸستەر قاجەت دەپ سانايدى.
وسىعان بايلانىستى دەپۋتات "پاريج وليمپياداسى الدىنداعى ليتسەنزييالىق سپورت تۋرنيرلەرٸنە باي-باعىلانداردىڭ ٶكٸلٸن ەمەس, اۋىلدان شىققان, كٶكٸرەگٸندە نامىسى بار پاتريوت, كەسٸبي سپورتشىلاردى اپارۋ قاجەت" دەپ ەسەپتەيدٸ.
بۇدان باسقا ول سپورت سالاسىنداعى جەمقورلىق پەن سىبايلاستىق, تانىس-تامىرلىقتى تٷبٸمەن جويىپ, ۇوك باسشىلىق قۇرامىنا جاڭا قازاقستان ٶكٸلدەرٸن تارتۋ كەرەك ەكەنٸن مەلٸمدەدٸ.
