Matchroom Boxing promoýterlik kompaniiasynyń basshysy Eddi Hirn meksikalyq Saýl Kanelo Alvares (57-2-2, 39 KO) pen qazaqstandyq Gennadii Golovkin (42-1-1, 37 KO) arasyndaǵy úshinshi jekpe-jekke qatysty pikir bildirdi, dep habarlaidy Tengrinews.kz agenttigi Vesti.kz saityna silteme jasap.
"Kanelo jeńilmeitini týraly ańyz kúl boldy. Endi shyndyq qana bar. Qatarynan eki ret jeńilse, karerasy aiaqtalýy da múmkin.
Iá, jartylai aýyr salmaqqa kóterilgende Kanelo basyn qaterge tikti. Ol jeńedi dep boljansa da. Al aldaǵy aiqasta bári basqasha bolady. Munda eshteńe dep aqtala almaisyń. Eger ol qyrkúiekte Golovkinnen jeńilse, ary qarai ne isteý kerek? Eki bólek qarsylastan qatarynan jeńilý ońai timesi anyq. Kanelo úshin eń aýyry burynǵy senimdiligin qaitaryp, Bivoldan jeńilisten keiin es jinaý. Ol bul aiqastan keiin qatty kúizeldi. Al endi aldaǵy jekpe-jekte jeńis oǵan óte qajet. Ol jeńýi tiis... Ol (Golovkindi) jeńýge mindetti", - dep beredi Hirnniń sózin vRINGe.com.
Eske salaiyq, Golovkin men Alvares buǵan deiin Las-Vegasta eki ret judyryqtasqan - 2017 jyly boksshylar teń tússe, 2018 jyly Kanelo tóreshiler sheshimimen jeńgen bolatyn.
