Matchroom Boxing پروموۋتەرلٸك كومپانيياسىنىڭ باسشىسى ەددي حيرن مەكسيكالىق ساۋل كانەلو الۆارەس (57-2-2, 39 كو) پەن قازاقستاندىق گەنناديي گولوۆكين (42-1-1, 37 كو) اراسىنداعى ٷشٸنشٸ جەكپە-جەككە قاتىستى پٸكٸر بٸلدٸردٸ, دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
"كانەلو جەڭٸلمەيتٸنٸ تۋرالى اڭىز كٷل بولدى. ەندٸ شىندىق قانا بار. قاتارىنان ەكٸ رەت جەڭٸلسە, كارەراسى اياقتالۋى دا مٷمكٸن.
يە, جارتىلاي اۋىر سالماققا كٶتەرٸلگەندە كانەلو باسىن قاتەرگە تٸكتٸ. ول جەڭەدٸ دەپ بولجانسا دا. ال الداعى ايقاستا بەرٸ باسقاشا بولادى. مۇندا ەشتەڭە دەپ اقتالا المايسىڭ. ەگەر ول قىركٷيەكتە گولوۆكيننەن جەڭٸلسە, ارى قاراي نە ٸستەۋ كەرەك? ەكٸ بٶلەك قارسىلاستان قاتارىنان جەڭٸلۋ وڭاي تيمەسٸ انىق. كانەلو ٷشٸن ەڭ اۋىرى بۇرىنعى سەنٸمدٸلٸگٸن قايتارىپ, بيۆولدان جەڭٸلٸستەن كەيٸن ەس جيناۋ. ول بۇل ايقاستان كەيٸن قاتتى كٷيزەلدٸ. ال ەندٸ الداعى جەكپە-جەكتە جەڭٸس وعان ٶتە قاجەت. ول جەڭۋٸ تيٸس... ول (گولوۆكيندٸ) جەڭۋگە مٸندەتتٸ", - دەپ بەرەدٸ حيرننٸڭ سٶزٸن vRINGe.com.
ەسكە سالايىق, گولوۆكين مەن الۆارەس بۇعان دەيٸن لاس-ۆەگاستا ەكٸ رەت جۇدىرىقتاسقان - 2017 جىلى بوكسشىلار تەڭ تٷسسە, 2018 جىلى كانەلو تٶرەشٸلەر شەشٸمٸمەن جەڭگەن بولاتىن.
