Túrkistan oblysy Otyrar aýdanynyń kásipkerleri 163 otbasyǵa tegin kómir túsirip berdi, dep habarlaidy "Ult aqparat".
Qylyshyn súirete kelip jetken qys mezgiliniń alǵashqy yzǵaryn otyrarlyqtar da sezine bastady. Qystyq qatty otyn alýǵa qaýqary jetpei qamkóńilmen júrgen az qamtylǵan otbasylarǵa otyrarlyq kásipkerler qol ushyn berip, úlken azamattyq tanytty. Týǵan jerdiń árbir mańyzdy máselesine shet qaramaityn jany jomart, qoly ashyq abzal azamattar az emes ekendigine taǵy bir kóz jetkizip otyrmyz.
Otyrar aýdany ákimdiginiń uiytqy bolýymen qolǵa alynǵan igi bastamaǵa «Saýts Oil», «Aziia Agro Grýpp», «Omar ata», «Aqjol» JShS-men qatar, aýyldan shyqqan bir top jeke kásipkerler de óz úlesterin qosty.
Qarasha-jeltoqsan ailary aralyǵynda aýdannyń jekelegen eldimekenderi boiynsha 163 otbasyǵa jomart jandar 250 tonna kóleminde qystyq otyn alyp, ózderi jetkizip bergen.
Qarapaiymdyq pen izgilikti jandaryna serik etken demeýshilerge kómek alýshylar alǵysyn jaýdyrýda.
