تٷركٸستان وبلىسى وتىرار اۋدانىنىڭ كەسٸپكەرلەرٸ 163 وتباسىعا تەگٸن كٶمٸر تٷسٸرٸپ بەردٸ, دەپ حابارلايدى "ۇلت اقپارات".
قىلىشىن سٷيرەتە كەلٸپ جەتكەن قىس مەزگٸلٸنٸڭ العاشقى ىزعارىن وتىرارلىقتار دا سەزٸنە باستادى. قىستىق قاتتى وتىن الۋعا قاۋقارى جەتپەي قامكٶڭٸلمەن جٷرگەن از قامتىلعان وتباسىلارعا وتىرارلىق كەسٸپكەرلەر قول ۇشىن بەرٸپ, ٷلكەن ازاماتتىق تانىتتى. تۋعان جەردٸڭ ەربٸر ماڭىزدى مەسەلەسٸنە شەت قارامايتىن جانى جومارت, قولى اشىق ابزال ازاماتتار از ەمەس ەكەندٸگٸنە تاعى بٸر كٶز جەتكٸزٸپ وتىرمىز.
وتىرار اۋدانى ەكٸمدٸگٸنٸڭ ۇيىتقى بولۋىمەن قولعا الىنعان يگٸ باستاماعا «ساۋتس ويل», «ازييا اگرو گرۋپپ», «ومار اتا», «اقجول» جشس-مەن قاتار, اۋىلدان شىققان بٸر توپ جەكە كەسٸپكەرلەر دە ٶز ٷلەستەرٸن قوستى.
قاراشا-جەلتوقسان ايلارى ارالىعىندا اۋداننىڭ جەكەلەگەن ەلدٸمەكەندەرٸ بويىنشا 163 وتباسىعا جومارت جاندار 250 توننا كٶلەمٸندە قىستىق وتىن الىپ, ٶزدەرٸ جەتكٸزٸپ بەرگەن.
قاراپايىمدىق پەن ٸزگٸلٸكتٸ جاندارىنا سەرٸك ەتكەن دەمەۋشٸلەرگە كٶمەك الۋشىلار العىسىن جاۋدىرۋدا.
