Túrkistan oblysynyń politseileri karantinge qaramastan kókpar ótkizgen turǵyndy jaýapqa tartty, dep habarlaidy "Ult aqparat" obylstyq politsiia departamentine silteme jasap.
Túrkistan oblysynda karantin talaptaryn saqtalýy tiisti organdardyń qatań baqylaýynda. Onyń ishinde Túrkistan oblysy politsiia departamentiniń qyzmetkerleri arnaiy qurylǵan mobildi toptarmen júieli túrde jumys júrgizýde.
Máselen, Otyrar aýdanynyń politseileri karantindik rejim men sanitarlyq-epidemiologiialyq normalardy buzyp, kókpar uiymdastyrǵan turǵyndy anyqtady.
Naqtyraq aitsaq, Qarǵaly aýyldyq okrýgine qarasty «Qanttoǵai» aýmaǵynda jergilikti turǵyn «Bata kókpar» jasaǵan. Mobildi top birden shoǵyrlanǵan adamdar tobyn tarqatty.
Tártip saqshylary is-sharaǵa qatysýshylarǵa karantin talaptaryna jol bermeý týraly túsindirý áńgimelerin ótkizdi.
Sondai-aq shekteý sharalaryn buza otyryp, 60-tan astam adamdy jinaǵan kókpar uiymdastyrýshysyn jaýapqa tartty.
Oǵan qatysty QR ÁQBtK 425-baby boiynsha ákimshilik hattama toltyrdy. Jinalǵan materialdar tiisti zańdy sheshim qabyldaý úshin quzyretti organdarǵa jiberildi.
Esterińizge sala keteiik, Bas memlekettik sanitar dárigerdiń qaýlysyna sáikes Túrkistan oblysynyń aýmaǵynda halyq arasynda koronavirýstyq infektsiianyń taralýynyń aldyn alýǵa jáne jolyn kesýge baǵyttalǵan karantin rejimi engizilgen.
