«Otpan» tarihi mádeni kesheninde qazaqtyń úsh biine eskertkish ornatyldy. Bul týraly búgin Ortalyq kommýnikatsiialar qyzmetindegi baspasóz máslihatynda Mańǵystaý oblysynyń ákimi Eraly Toǵjanov aitty, dep habarlaidy QazAqparat.
«Elbasynyń Jarlyǵymen bekitilgen «Alǵys kúnine» orai oblys boiynsha 1 naýryzdan bastap «Asar - Jomart júrek» qaiyrymdylyq aktsiiasynyń 2 kezeńi ótti. Nátijesinde, 55 mln teńge jinalyp, 6,5 myńǵa jýyq otbasyǵa kómek kórsetildi. Olardyń qatarynda aýyr syrqatqa shaldyqqan sábiler, balalar úiiniń tárbielenýshileri, qarttar úiindegi qariialar, áleýmettik jaǵdaiy tómen otbasylar, jalǵyz basty analar men qamqorshysynan aiyrylǵan balalar bar», - dedi oblys basshysy.
Sonymen qatar ol biyl alǵash ret óńirde «Otpan taý-rýhani dástúrimizdiń negizi» atty Amal merekesi respýblikalyq deńgeide toilanǵanyn atap ótti. Sharaǵa elimizdiń 9 oblysyndaǵy tarihi-mádeni keshenderiniń shyraqshylarynyń qatysýymen «birlik» oty jaǵyldy. Máńgilik el ideiasyn nasihattaityn ǵylymi, mádeni kópshilik, sporttyq, áleýmettik deńgeidegi sharalarǵa barlyq aimaqtan arnaiy qonaqtar shaqyrylyp, tamashalady.
«Kelesi jyly halyqaralyq dárejede ótkizýge daiyndyqty qazirden bastaimyz. «Otpan» tarihi mádeni keshenine qazaqtyń úsh biine eskertkish ornattyq. Qazaq dalasynyń bilerine birinshi ret dalada eskertkish ornatyldy. Bul bilerimiz birliktiń, eldiktiń simvoly bolǵandyǵyn da ózderińiz jaqsy bilesizder», - dedi Eraly Toǵjanov.
