«وتپان» تاريحي مەدەني كەشەنٸندە قازاقتىڭ ٷش بيٸنە ەسكەرتكٸش ورناتىلدى. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا ماڭعىستاۋ وبلىسىنىڭ ەكٸمٸ ەرالى توعجانوۆ ايتتى, دەپ حابارلايدى قازاقپارات.
«ەلباسىنىڭ جارلىعىمەن بەكٸتٸلگەن «العىس كٷنٸنە» وراي وبلىس بويىنشا 1 ناۋرىزدان باستاپ «اسار - جومارت جٷرەك» قايىرىمدىلىق اكتسيياسىنىڭ 2 كەزەڭٸ ٶتتٸ. نەتيجەسٸندە, 55 ملن تەڭگە جينالىپ, 6,5 مىڭعا جۋىق وتباسىعا كٶمەك كٶرسەتٸلدٸ. ولاردىڭ قاتارىندا اۋىر سىرقاتقا شالدىققان سەبيلەر, بالالار ٷيٸنٸڭ تەربيەلەنۋشٸلەرٸ, قارتتار ٷيٸندەگٸ قارييالار, ەلەۋمەتتٸك جاعدايى تٶمەن وتباسىلار, جالعىز باستى انالار مەن قامقورشىسىنان ايىرىلعان بالالار بار», - دەدٸ وبلىس باسشىسى.
سونىمەن قاتار ول بيىل العاش رەت ٶڭٸردە «وتپان تاۋ-رۋحاني دەستٷرٸمٸزدٸڭ نەگٸزٸ» اتتى امال مەرەكەسٸ رەسپۋبليكالىق دەڭگەيدە تويلانعانىن اتاپ ٶتتٸ. شاراعا ەلٸمٸزدٸڭ 9 وبلىسىنداعى تاريحي-مەدەني كەشەندەرٸنٸڭ شىراقشىلارىنىڭ قاتىسۋىمەن «بٸرلٸك» وتى جاعىلدى. مەڭگٸلٸك ەل يدەياسىن ناسيحاتتايتىن عىلىمي, مەدەني كٶپشٸلٸك, سپورتتىق, ەلەۋمەتتٸك دەڭگەيدەگٸ شارالارعا بارلىق ايماقتان ارنايى قوناقتار شاقىرىلىپ, تاماشالادى.
«كەلەسٸ جىلى حالىقارالىق دەرەجەدە ٶتكٸزۋگە دايىندىقتى قازٸردەن باستايمىز. «وتپان» تاريحي مەدەني كەشەنٸنە قازاقتىڭ ٷش بيٸنە ەسكەرتكٸش ورناتتىق. قازاق دالاسىنىڭ بيلەرٸنە بٸرٸنشٸ رەت دالادا ەسكەرتكٸش ورناتىلدى. بۇل بيلەرٸمٸز بٸرلٸكتٸڭ, ەلدٸكتٸڭ سيمۆولى بولعاندىعىن دا ٶزدەرٸڭٸز جاقسى بٸلەسٸزدەر», - دەدٸ ەرالى توعجانوۆ.
