Ótken jyly joǵary sapaly bidaidyń úlesi 80 %-ǵa deiin ulǵaidy. Bul týraly halyqqa esep berý kezdesýinde QR Aýyl sharýashylyǵy ministri Saparhan Omarov aitty, dep habarlaidy QazAqparat.
Onyń atap ótýinshe, 2020 jyly kóktemgi dala jumystary sala úshin buryn-sońdy bolmaǵan, múldem jańa jaǵdaida ótti.
«Ministrlik úkimettiń qoldaýymen fermerlerdiń kedergisiz júrip-turýyn, janar-jaǵar mai, qosalqy bólshekter, tuqym, tyńaitqyshtar men ósimdikterdi qorǵaý quraldaryn jetkizýdi qamtamasyz etetin arnaiy jumys algoritmin qurdy. Sondai-aq, kóktemgi dala jumystaryn júrgizýge 70 mlrd teńge kóleminde biýdjettik nesie bólindi jáne Memleket basshysynyń tapsyrmasy boiynsha fermerlerge kómek retinde 24,5 mlrd teńgege dándi jáne maily daqyldardy kepildi forvardtyq satyp alý mehanizmi iske asyryldy», - dedi Saparhan Omarov.
Ministrdiń aitýynsha, qabyldanǵan sharalardyń arqasynda kóktemgi egin egý jáne kúzgi egin jinaý jumystary sapaly ári ońtaily ýaqytta júrgizildi. Sonymen qatar, egin jinaý jumystary 2019 jylǵa qaraǵanda bir ai buryn aiaqtaldy. Nátijesinde 20 mln tonnadan astam dándi jáne dándi-burshaqty daqyl jinaldy. Joǵary sapaly bidaidyń (1-3-synyptar) úlesi 80 paiyzǵa deiin ulǵaidy. Al 2019 jyly bul kórsetkish 50 paiyz bolǵan edi.
