ٶتكەن جىلى جوعارى ساپالى بيدايدىڭ ٷلەسٸ 80 %-عا دەيٸن ۇلعايدى. بۇل تۋرالى حالىققا ەسەپ بەرۋ كەزدەسۋٸندە قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
ونىڭ اتاپ ٶتۋٸنشە, 2020 جىلى كٶكتەمگٸ دالا جۇمىستارى سالا ٷشٸن بۇرىن-سوڭدى بولماعان, مٷلدەم جاڭا جاعدايدا ٶتتٸ.
«مينيسترلٸك ٷكٸمەتتٸڭ قولداۋىمەن فەرمەرلەردٸڭ كەدەرگٸسٸز جٷرٸپ-تۇرۋىن, جانار-جاعار ماي, قوسالقى بٶلشەكتەر, تۇقىم, تىڭايتقىشتار مەن ٶسٸمدٸكتەردٸ قورعاۋ قۇرالدارىن جەتكٸزۋدٸ قامتاماسىز ەتەتٸن ارنايى جۇمىس الگوريتمٸن قۇردى. سونداي-اق, كٶكتەمگٸ دالا جۇمىستارىن جٷرگٸزۋگە 70 ملرد تەڭگە كٶلەمٸندە بيۋدجەتتٸك نەسيە بٶلٸندٸ جەنە مەملەكەت باسشىسىنىڭ تاپسىرماسى بويىنشا فەرمەرلەرگە كٶمەك رەتٸندە 24,5 ملرد تەڭگەگە دەندٸ جەنە مايلى داقىلداردى كەپٸلدٸ فورۆاردتىق ساتىپ الۋ مەحانيزمٸ ٸسكە اسىرىلدى», - دەدٸ ساپارحان وماروۆ.
مينيستردٸڭ ايتۋىنشا, قابىلدانعان شارالاردىڭ ارقاسىندا كٶكتەمگٸ ەگٸن ەگۋ جەنە كٷزگٸ ەگٸن جيناۋ جۇمىستارى ساپالى ەرٸ وڭتايلى ۋاقىتتا جٷرگٸزٸلدٸ. سونىمەن قاتار, ەگٸن جيناۋ جۇمىستارى 2019 جىلعا قاراعاندا بٸر اي بۇرىن اياقتالدى. نەتيجەسٸندە 20 ملن توننادان استام دەندٸ جەنە دەندٸ-بۇرشاقتى داقىل جينالدى. جوعارى ساپالى بيدايدىڭ (1-3-سىنىپتار) ٷلەسٸ 80 پايىزعا دەيٸن ۇلعايدى. ال 2019 جىلى بۇل كٶرسەتكٸش 50 پايىز بولعان ەدٸ.
