2020 jyly zeinetaqy aktivteri 12,9 trln teńgege deiin ulǵaidy. Búgin Úkimettiń keńeitilgen quramdaǵy otyrysynda Ulttyq bank tóraǵasy Erbolat Dosaev osylai málim etti, dep habarlaidy QazAqparat.
«2020 jyly zeinetaqy aktivteri 12,9 trln teńgege deiin ulǵaidy, ol boiynsha kiristilik 10,9% mólsherinde qamtamasyz etildi. 2020 jyly eseptelgen investitsiialyq kiris mólsheri 1,3 trln teńge boldy, bul 2019 jylmen salystyrǵanda 563 mlrd teńgege nemese 80,4 paiyzǵa artyq. Bul rette investitsiialyq kiris kólemi 1,1 trln teńgeni quraǵan zeinetaqy jarnalarynyń somasynan asyp tústi», - dedi E. Dosaev.
Budan buryn habarlanǵandai, Ulttyq bank tóraǵasy Erbolat Dosaev iskerlik belsendilik daǵdarysqa deiingi deńgeige qarai qalpyna kelip jatqanyn aitty.
«Qazaqstanda 2020 jyldyń qorytyndysy boiynsha jalpy ishki ónimniń qysqarýy 2,6% boldy, bul qabyldanǵan daǵdarysqa qarsy buryn-sońdy bolmaǵan sharalardyń arqasynda jalpy álemdik quldyraýdan (4,4%) aitarlyqtai tómen. 2020 jyldyń 2-shi toqsanynda rekord quldyraýdan keiin iskerlik belsendilik daǵdarysqa deiingi deńgeige qarai qalpyna kelýde. Ulttyq banktiń boljamy boiynsha, 2021 jyldyń 2-shi toqsanynan bastap Qazaqstan ekonomikasy oń traektoriiaǵa shyǵady», - dedi E. Dosaev.
