2020 جىلى زەينەتاقى اكتيۆتەرٸ 12,9 ترلن تەڭگەگە دەيٸن ۇلعايدى. بٷگٸن ٷكٸمەتتٸڭ كەڭەيتٸلگەن قۇرامداعى وتىرىسىندا ۇلتتىق بانك تٶراعاسى ەربولات دوساەۆ وسىلاي مەلٸم ەتتٸ, دەپ حابارلايدى قازاقپارات.
«2020 جىلى زەينەتاقى اكتيۆتەرٸ 12,9 ترلن تەڭگەگە دەيٸن ۇلعايدى, ول بويىنشا كٸرٸستٸلٸك 10,9% مٶلشەرٸندە قامتاماسىز ەتٸلدٸ. 2020 جىلى ەسەپتەلگەن ينۆەستيتسييالىق كٸرٸس مٶلشەرٸ 1,3 ترلن تەڭگە بولدى, بۇل 2019 جىلمەن سالىستىرعاندا 563 ملرد تەڭگەگە نەمەسە 80,4 پايىزعا ارتىق. بۇل رەتتە ينۆەستيتسييالىق كٸرٸس كٶلەمٸ 1,1 ترلن تەڭگەنٸ قۇراعان زەينەتاقى جارنالارىنىڭ سوماسىنان اسىپ تٷستٸ», - دەدٸ ە. دوساەۆ.
بۇدان بۇرىن حابارلانعانداي, ۇلتتىق بانك تٶراعاسى ەربولات دوساەۆ ٸسكەرلٸك بەلسەندٸلٸك داعدارىسقا دەيٸنگٸ دەڭگەيگە قاراي قالپىنا كەلٸپ جاتقانىن ايتتى.
«قازاقستاندا 2020 جىلدىڭ قورىتىندىسى بويىنشا جالپى ٸشكٸ ٶنٸمنٸڭ قىسقارۋى 2,6% بولدى, بۇل قابىلدانعان داعدارىسقا قارسى بۇرىن-سوڭدى بولماعان شارالاردىڭ ارقاسىندا جالپى ەلەمدٸك قۇلدىراۋدان (4,4%) ايتارلىقتاي تٶمەن. 2020 جىلدىڭ 2-شٸ توقسانىندا رەكورد قۇلدىراۋدان كەيٸن ٸسكەرلٸك بەلسەندٸلٸك داعدارىسقا دەيٸنگٸ دەڭگەيگە قاراي قالپىنا كەلۋدە. ۇلتتىق بانكتٸڭ بولجامى بويىنشا, 2021 جىلدىڭ 2-شٸ توقسانىنان باستاپ قازاقستان ەكونوميكاسى وڭ تراەكتوريياعا شىعادى», - دەدٸ ە. دوساەۆ.
