Ótken jyly shetelden kelgen 27 myń adam testiden ótti, onyń ishinde 130 adamnan koronavirýs anyqtaldy. Bul týraly Ortalyq kommýnikatsiialar ortalyǵynda ótken eldegi epidemiologiialyq jaǵdai týraly brifingide aityldy, dep habarlaidy "Ult aqparat".
«Ótken jyly elimizde virýsty zerthanalyq diagnostikalaý múmkindigi aitarlyqtai artty. COVID-19-ǵa PTR ádisimen testileý 2020 jylǵy sáýirden bastaldy da, 19 zerthanada táýligine jalpy qýaty 6000 test alyndy, al qazir KVI diagnostikalaityn 132 zerthana táýligine jalpy qýaty 100 myń zertteý jasaidy jáne biologiialyq material alatyn 48 pýnkt bar. Búginde 5 mln-nan astam zertteý júrgizildi, kún saiyn zerthanalar 40 myńǵa deiin test qabyldaidy», - deidi QR densaýlyq saqtaý ministri Aleksei Tsoi.
Sondai-aq, ol zerthanalardyń rezervtik qýaty 60 myń zertteýge jetkenin, bul sailaý kezinde qaýipsizdikti qamtamasyz etý úshin qajet bolatynyn aitty.
«Pandemiia bastalǵannan memlekettik shekarada karantindik sharalardy kúsheittik. Infektsiianyń syrttan tasymaldanýyna jol bermeý úshin kelgen adamdar zerthanalyq tekserýden ótip, karantinde otyrdy. Ótken jyly shetelden kelgen 27 myń adam testten ótti, onyń ishinde 130 adamda koronavirýs anyqtaldy. Avto ótkelder arqyly 2 mln-nan astan adam keldi, onyń 1267-de koronavirýs infektsiiasy anyqtaldy, naýqastardy ýaqtyly oqshaýladyq jáne infektsiianyń taralýyn toqtatýǵa múmkindik boldy», - deidi ol.
