2020 jyly elimizde múgedektigi bar 31 myńnan astam adam ómirden ozdy. Bul jaiynda Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy "Ult aqparat".
«2020 jyly múgedektegi bar 31 390 adam qaitys boldy. Onyń ishinde erler – 19 601 adam, áielder – 11 789 adam. Ólim-jitimniń negizgi sebepteri: júrek-qan tamyry júiesi aýrýlarynan – 9 027 adam, onkologiialyq aýrýlardan – 6 257 adam. Bul rette 2020 jyly qaitys bolǵan adamdardyń ortasha jasy 62-ni qurady», - dedi vitse-premer.
Úkimet basshysynyń orynbasary BUU-nyń múgedekterdiń quqyqtary týraly halyqaralyq mindettemeni, sonymen qatar 2012-2018 jyldarǵa arnalǵan Qazaqstandaǵy múgedekterdiń quqyqtaryn qamtamasyz etý jáne ómir súrý sapasyn jaqsartý is-sharalary josparyn oryndaý aiasynda genderlik erekshelikterdi eskere otyryp, múgedektigi bar adamdardyń ómir sapasyna iriktelgen zertteý júrgizilgendigin aitady. Atalǵan zertteýler nátijesindegi málimetter memlekettik organdardyń jáne úkimettik emess uiymdardyń jumysynda qoldanylady.
