Ótken jyly ambýlatoriialyq deńgeide halyqqa 215 millionǵa jýyq qyzmet kórsetildi. Bul týraly Ortalyq kommýnikatsiialar qyzmetinde ótken brifingte Áleýmettik meditsinalyq saqtandyrý qorynyń Basqarma tóraǵasy Bolat Tókejanov aitty, dep habarlaidy QazAqparat.
«110 million qabyldaý, onyń ishinde 33 millionǵa jýyq beiindi mamandardyń qabyldaýy, 65 mln zerthanalyq diagnostika qyzmeti, shamamen 28 mln protsedýra men manipýliatsiia, 11 mln diagnostikalyq qyzmet, onyń ishinde 454 myń KT / MRT, 2,8 mln ÝDZ, 13,5 myń PET diagnostikasy kiredi. Emhanalar arqyly kórsetilgen barlyq konsýltatsiialyq-diagnostikalyq qyzmettiń negizgi bóligi meditsinalyq saqtandyrý esebinen tólengen», - deidi Áleýmettik meditsinalyq saqtandyrý qorynyń Basqarma tóraǵasy Bolat Tókejanov.
Onyń aitýynsha, ótken jyly kúndizgi statsionarǵa 1 mln-nan astam adam jatyp emdeldi, onyń ishinde TMKKK sheńberinde – 508 myń jáne MÁMS júiesinde - 578 myń emdeýge jatqyzý (áleýmettik máni bar aýrýlardy esepke almaǵanda).
«2,7 mln-ǵa jýyq patsient táýlik boiy jumys isteitin statsionarlarda (áleýmettik máni bar aýrýlardy esepke almaǵanda) em aldy. Aýrýhanaǵa jatqyzýdyń jalpy qurylymynda shuǵyl kómek 62%-dy qurasa da, shuǵyl jatqyzý jaǵdailary aitarlyqtai tómendegenin atap ótken jón. Josparly emge qoljetimdilik te artty: patsientterdiń 86% bir kúnnen on kúnge deiingi merzimde statsionarlarǵa ornalastyryldy jáne tek 5%-y 30 kúnnen astam ýaqyt kútti. 2019 jyly bir aidan astam ýaqyt aýrýhanaǵa jatqyzýdy kútken patsientter sany 12% jetken bolatyn», - deidi ol.
