Ótken jyly elimizde qylmys sany 30 paiyzǵa qysqardy. Bul týraly QR Ishki ister ministrliginiń resmi ókili Nurdildá Oraz aitty, dep habarlaidy QazAqparat.
Onyń atap ótýinshe, Ishki ister ministrliginde vedomstvonyń keńeitilgen alqa májilisi ótip, onde elimizdiń ishki ister organdarynyń ótken jyl ishindegi jumysyn qorytyndylandy jáne aldaǵy kezeńdegi mindetteri qaraldy.
«Alqa májilisinde Ishki ister ministrliginiń eldegi qaýipsizdikti laiyqty deńgeide qamtamasyz etkendigi atalyp ótti. Qylmys sany úshten birge, qoǵamdyq oryndardaǵy qylmystyq quqyq buzýshylyq, onyń ishinde tonaý, qaraqshylyq, buzaqylyq, urlyq eki esege jýyq qysqardy. Kámelet jasyna tolmaǵandar, buryn sottalǵandar, mas adamdar jasaityn qylmystar, sonymen qatar adam óltirý aitarlyqtai azaidy», - dedi ol.
Resmi ókildiń aitýynsha, aýyr jáne asa aýyr qylmystardyń basym bóligin ashý jaqsardy.
Esirtki qylmysy da kóbirek áshkerelendi.
Uialy telefon urlyǵy - 51 paiyzǵa, páter urlyǵy - 63 paiyzǵa kemidi.
«Sondai-aq IIM qyzmetkerleriniń jedel jáne zańshyǵarmashalyq jumysynyń arqasyna mal urlyǵynyń deńgeii 40 paiyzǵa tómendedi. Osylaisha, el basshylyǵy IIM aldynda júktegen mańyzdy mindetterdiń biri oryndaldy», - dedi Nurdildá Oraz.
