Ótken táýlikte koronavirýstyq infektsiia belgileri bar pnevmoniianyń 1102 jaǵdaiy, onyń ishinde 15 ólim tirkeldi, dep habarlaidy "Ult aqparat" Coronavirus2020.kz saityna silteme jasap.
1 tamyzdan beri 13121 naýqas jáne 152 ólim jaǵdaiy tirkeldi.
QR Densaýlyq saqtaý ministrligi KVI qatysty ár táýliktegi aqparatty kún saiyn jariialap otyrady. Barlyq málimet ministrliktiń resmi saitynda jáne vedmostvanyń áleýmettik jelilerdegi paraqshalary arqyly taratylady. Atap aitqanda, naýqastardyń jalpy sany, qaitys bolǵandar jáne qoǵamdaǵy mańyzdy jaǵdailar resmi aqparat kózderi arqyly jedel jariialanady. Al, aimaqtardaǵy ahýal týraly aqparatty Densaýlyq saqtaý ministrliginiń resmi ókili apta saiyn arnaiy brifingte habarlaidy.
