1 jeltoqsanda Qazaqstanda koronavirýs juqqany arnaiy testpen rastalǵan 770 adam anyqtaldy, 499 adam jazyldy.
Densaýlyq saqtaý ministrliginiń aqparaty boiynsha, seisenbi kúni Shyǵys Qazaqstan oblysynda - 141, Soltústik Qazaqstan oblysynda - 107, Pavlodar oblysynda - 106, Aqmola oblysynda - 90, Qostanai oblysynda - 84, Nur-Sultanda 66 adamnan koronavirýs infektsiiasy anyqtalǵan. Ótken táýlikte Aqtóbe oblysynda naýqas tirkelmegen.
Naýryz aiynan beri koronavirýs juqqany testpen dáleldengender 133 118 adamǵa jetti: 117 myńnan astamy jazylǵan, 2034-i qaitys bolǵan.
Qazaqstannyń koronavirýs statistikasyna koronavirýs pnevmoniiasyna shaldyqqandar esebi engizilmegen. 1 tamyzdan beri 42 215 adamǵa koronavirýs pnevmoniiasy diagnozy qoiylǵan, 443 adam qaitys bolǵan, 30,5 myńnan astamy jazylǵan.
Densaýlyq saqtaý ministrliginiń aqparatyna sensek, qazirgi ýaqytta koronavirýs infektsiiasynan 13 707 adam emdelip jatyr.
«Olardyń arasynda 967 bala bar. Statsionarlarda 3 492 naýqas jatyr. 10 215 adam ambýlatoriialyq jaǵdaida emdelýde.
Jalpy naýqastardyń arasynda 223 adamnyń ahýaly nashar. Sonyń ishinde 32 naýqastyń ahýaly asa qatty aýyr dep baǵalanýda. 30 naýqas ókpeni jasandy jeldetý apparatynda jatyr», - delingen habarlamada.
