13 jeltoqsanda Qazaqstanda koronavirýs juqqany PTR-testpen dáleldengen 747 adam anyqtaldy, 17 adamnan koronavirýs pnevmoniiasy tabyldy. Bir kúnde 7 adam koronavirýs infektsiiasynan qaitys boldy, barlyǵynyń PTR-testi oń shyqqan.
Ótken táýlikte eń kóp naýqas Shyǵys Qazaqstan oblysynda (78) tirkelgen. Qostanai oblysynda - 74, Pavlodar oblysynda - 73, Almaty qalasynda - 72, Aqmola oblysynda - 71, Soltústik Qazaqstan oblysynda - 68, Nur-Sultanda 67 adamnan koronavirýs anyqtalǵan. Qalǵan oblystar men qalalarda bir táýlik ishinde anyqtalǵan naýqastar 60-qa jetpeidi.
Naýryz aiynan beri 142 325 adamǵa koronavirýs juqqany testpen rastalǵan. Sodan beri 2 145 adam Covid-ten qaitys bolǵan. 126 182 adam jazylǵan.
Qazaqstan biligi 1 tamyzdan beri koronavirýs pnevmoniiasyna shaldyqqandardy bólek eseptep keledi. Sodan beri 43 952 adamǵa koronavirýs pnevmoniiasy diagnozy qoiylǵan, 31 519-y jazylǵan. 464 adam pnevmoniianyń osy túrinen qaitys bolǵan.
Qazir 14 myńǵa jýyq adam - koronavirýstan, 12 myńǵa jýyq adam koronavirýs pnevmoniiasynan emdelip jatyr. Olardyń arasynda 1 041 bala bar.
Koronavirýs juqqany testpen rastalǵan naýqastardyń 4 139-y statsionarda emdeleýde. 240 adamnyń jaǵdaiy - aýyr, 35 adamnyń jaǵdaiy - óte aýyr, 40 adam jasandy tynys apparatyna qosylǵan.
