27 qazan kúni Qazaqstanda 422 adamnyń koronavirýs infektsiiasyn juqtyrǵany anyqtaldy. Onyń basym bóligi (274) – Covid testi teris nátije bergen, biraq aýrý belgileri boiynsha koronavirýsqa uqsaityn pnevmoniiaǵa (U07.02) shaldyqqandar. Ótken táýlikte virýs juqtyrǵany Covid testimen rastalǵan (U07.01 kody) 148 naýqas anyqtalǵan.
Bir kúnde 6 adam qaitys bolǵan: koronavirýs juqqany testimen rastalǵan naýqastar arasynda - 5 adam ólimi, koronavirýs pnevmoniiasyna shaldyqqandar arasynda 1 adam ólimi tirkelgen.
Indet bastalǵaly elde barlyǵy 148 037 adamǵa koronavirýs juqqan: 110 832 adamǵa koronavirýs juqqany testimen rastalǵan, qalǵan 37 205 adam koronavirýs pnevmoniiasyna shaldyqqan.
Resmi málimet boiynsha, elde pnevmoniianyń jalpy túrine shaldyqqandar jazda kúrt kóbeigen.
Naýryz aiynan beri koronavirýstan keminde 2 231 adam qaitys bolǵan (1835-i - koronavirýstan, 396-y - koronavirýs pnevmoniiasynan kóz jumǵan).
Qazir 3 114 adam koronavirýstan emdelip jatyr, 275-i - bala. Statsionarda - 2 267, ambýlatorlyq jaǵdaida 847 adam emdelip jatyr. 126 adamnyń jaǵdaiy - aýyr, 12 adamnyń jaǵdaiy - óte aýyr, 15 adam jasandy apparatpen tynys alyp jatyr.
