27 قازان كٷنٸ قازاقستاندا 422 ادامنىڭ كوروناۆيرۋس ينفەكتسيياسىن جۇقتىرعانى انىقتالدى. ونىڭ باسىم بٶلٸگٸ (274) – Covid تەستٸ تەرٸس نەتيجە بەرگەن, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونيياعا (U07.02) شالدىققاندار. ٶتكەن تەۋلٸكتە ۆيرۋس جۇقتىرعانى Covid تەستٸمەن راستالعان (U07.01 كودى) 148 ناۋقاس انىقتالعان.
بٸر كٷندە 6 ادام قايتىس بولعان: كوروناۆيرۋس جۇققانى تەستٸمەن راستالعان ناۋقاستار اراسىندا - 5 ادام ٶلٸمٸ, كوروناۆيرۋس پنەۆمونيياسىنا شالدىققاندار اراسىندا 1 ادام ٶلٸمٸ تٸركەلگەن.
ٸندەت باستالعالى ەلدە بارلىعى 148 037 ادامعا كوروناۆيرۋس جۇققان: 110 832 ادامعا كوروناۆيرۋس جۇققانى تەستٸمەن راستالعان, قالعان 37 205 ادام كوروناۆيرۋس پنەۆمونيياسىنا شالدىققان.
رەسمي مەلٸمەت بويىنشا, ەلدە پنەۆمونييانىڭ جالپى تٷرٸنە شالدىققاندار جازدا كٷرت كٶبەيگەن.
ناۋرىز ايىنان بەرٸ كوروناۆيرۋستان كەمٸندە 2 231 ادام قايتىس بولعان (1835-ٸ - كوروناۆيرۋستان, 396-ى - كوروناۆيرۋس پنەۆمونيياسىنان كٶز جۇمعان).
قازٸر 3 114 ادام كوروناۆيرۋستان ەمدەلٸپ جاتىر, 275-ٸ - بالا. ستاتسيوناردا - 2 267, امبۋلاتورلىق جاعدايدا 847 ادام ەمدەلٸپ جاتىر. 126 ادامنىڭ جاعدايى - اۋىر, 12 ادامنىڭ جاعدايى - ٶتە اۋىر, 15 ادام جاساندى اپپاراتپەن تىنىس الىپ جاتىر.
