17 qarasha kúni Qazaqstanda koronavirýs juqtyrǵany Covid testimen (PTR) rastalǵan 682 naýqas tirkeldi, bir kúnde 453 naýqas jazyldy. Densaýlyq saqtaý ministrliginiń 18 qarasha tańerteń taratqan habarlamasynda osyndai aqparat jazylǵan.
Seisenbi kúni eń kóp naýqas Shyǵys Qazaqstan oblysynda (230) tirkelgen. Nur-Sultan qalasynda – 79, Soltústik Qazaqstan oblysynda – 74, Pavlodar oblysynda – 61, Qostanai oblysynda – 58, Aqmola oblysynda – 41 adamnan koronavirýs infektsiiasy tabylǵan. Qyzylorda oblysynda bir táýlik ishinde birde-bir naýqas tirkelmegen.
Nur-Sultan men Almaty qalalary sońǵy birneshe kúnde koronavirýs juqtyrǵandardyń kóbeiýine bailanysty "sary aimaqqa" engen.
Elde naýryz aiynan beri virýs juqtyrǵany PTR testimen rastalǵandar 122 335 adamǵa jetti: 110 myńnan astamy jazylǵan. 9 myńnan astamy emdelip jatyr, 1952-i qaitys bolǵan.
Covid jónindegi ulttyq statistikaǵa esebi 1 tamyzdan beri júrgizilip kele jatqan koronavirýs pnevmoniiasy statistikasy (koronavirýstyń PTR testimen rastalmaǵan keisteri) qosylmaǵan. 17 qarashadaǵy derek boiynsha, pnevmoniianyń bul túri tamyzdan basynan beri 40 220 adamnan anyqtalǵan, 421-i qaitys bolǵan.
