17 قاراشا كٷنٸ قازاقستاندا كوروناۆيرۋس جۇقتىرعانى Covid تەستٸمەن (پتر) راستالعان 682 ناۋقاس تٸركەلدٸ, بٸر كٷندە 453 ناۋقاس جازىلدى. دەنساۋلىق ساقتاۋ مينيسترلٸگٸنٸڭ 18 قاراشا تاڭەرتەڭ تاراتقان حابارلاماسىندا وسىنداي اقپارات جازىلعان.
سەيسەنبٸ كٷنٸ ەڭ كٶپ ناۋقاس شىعىس قازاقستان وبلىسىندا (230) تٸركەلگەن. نۇر-سۇلتان قالاسىندا – 79, سولتٷستٸك قازاقستان وبلىسىندا – 74, پاۆلودار وبلىسىندا – 61, قوستاناي وبلىسىندا – 58, اقمولا وبلىسىندا – 41 ادامنان كوروناۆيرۋس ينفەكتسيياسى تابىلعان. قىزىلوردا وبلىسىندا بٸر تەۋلٸك ٸشٸندە بٸردە-بٸر ناۋقاس تٸركەلمەگەن.
نۇر-سۇلتان مەن الماتى قالالارى سوڭعى بٸرنەشە كٷندە كوروناۆيرۋس جۇقتىرعانداردىڭ كٶبەيۋٸنە بايلانىستى "سارى ايماققا" ەنگەن.
ەلدە ناۋرىز ايىنان بەرٸ ۆيرۋس جۇقتىرعانى پتر تەستٸمەن راستالعاندار 122 335 ادامعا جەتتٸ: 110 مىڭنان استامى جازىلعان. 9 مىڭنان استامى ەمدەلٸپ جاتىر, 1952-ٸ قايتىس بولعان.
Covid جٶنٸندەگٸ ۇلتتىق ستاتيستيكاعا ەسەبٸ 1 تامىزدان بەرٸ جٷرگٸزٸلٸپ كەلە جاتقان كوروناۆيرۋس پنەۆمونيياسى ستاتيستيكاسى (كوروناۆيرۋستىڭ پتر تەستٸمەن راستالماعان كەيستەرٸ) قوسىلماعان. 17 قاراشاداعى دەرەك بويىنشا, پنەۆمونييانىڭ بۇل تٷرٸ تامىزدان باسىنان بەرٸ 40 220 ادامنان انىقتالعان, 421-ٸ قايتىس بولعان.
