Ótken táýlikte koronavirýs infektsiiasyn juqtyrǵan 2 505 adam tirkeldi. Sóitip, resmi derek boiynsha, byltyrǵy naýryzdan beri bul dertpen aýyrǵandar sany 353 140 adamǵa jetti. Biraq kóp sarapshy kórsetkish budan áldeqaida joǵary dep boljaidy.
Densaýlyq saqtaý ministrliginiń deregi boiynsha, beisenbide Covid-ten 22 kisi kóz jumǵan, jalpy indet kelgeli beri osy aýrý saldarynan 4 039 adam qaitys boldy.
Bul dertten bir táýlikte 2 704 adam jazyldy.
13 mamyrda Qazaqstanda "kovidtektes pnevmoniiaǵa" shaldyqqan jáne 130 adam tirkeldi. Klinikalyq belgileri koronavirýs infektsiiasyna uqsaityn, biraq PTR synaǵy teris nátije kórsetken mundai aýrýlardy ministrlik byltyrǵy tamyzdan beri bólek sanap keledi ári ol Covid-pen aýyrǵandardyń jalpy statistikasyna qosylmaidy. Resmi málimet boiynsha, "kovidtektes pnevmoniiamen" barlyǵy 54 014 adam aýyrǵan, 852 adam qaitys bolǵan (beisenbide bir naýqas kóz jumdy).
15 mamyrdaǵy málimet boiynsha, Qazaqstanda 39 316 adam koronavirýs infektsiiasynan emdelip jatyr, (onyń ishinde "kovidtektes pnevmoniia" da bar). Osy kúni 14 033 naýqas statsionarda, qalǵandary úide em alyp jatyr. 798 adamnyń jaǵdaiy aýyr, 185 patsienttiń jaǵdaiy óte aýyr, al 107 naýqas ókpe jeldetkish apparatyna qosylǵan.
Densaýlyq saqtaý ministrliginiń málimeti boiynsha, koronavirýs ekpesiniń birinshi bóligi 1 800 146 million adamǵa, al ekinshisi 743 myń 886 adamǵa salynǵan. Qazaqstanda negizinde Reseide ázirlengen (Qaraǵandy qalasynda shyǵarylatyn) "Spýtnik V" vaktsinasy, otandyq QazVac jáne qytailyq Sinopharm kompaniiasynyń BAÁ-de óndirilgen ekpesi qoldanylady.
